2 Crón 27:4 - Kaqchiquel Bible

⁴ Chuqa' xerupaba-q'anej tinamit chuwa taq juyu' richin Judá, y xeruben-q'anej jay e tz'apen chi tz'aq y xeruben chuqa' jay kichin ri chajinela' pa ruwi' ri tz'aq, pa taq k'echelaj.

2 Crón 27:4 ပူးပေါင်းရင်းမြစ်များ

San Lucas 1:39

Chupan ri ruq'ijul ri' ri María chi'anin xuben-el richin xbe pa jun tinamit ri k'o pa ruwi' juyu' richin Judea.

2 Crón 14:7

Y xubij k'a chike ri aj-Judá: Qatz'apej-kij ri qatinamit y qapaba-q'anej tz'aq y kachoch ri chajinela' pa ruwi' ri tz'aq, y chirij ri ruchi' ri tz'aq tiqaya' ch'ayubel ri banon rik'in ch'ich' y che', rokik ri ruwach'ulew k'o pa qaq'a' roj, roma kan qakanon ri qa-Dios y rija' kan ruya'on uxlanibel-k'u'x qik'in, xcha'. Y keri' rije' xkipaba-q'anej ri samaj ri' y ronojel kan utz k'a xuben chikiwech.

2 Crón 27:5

Xuben k'a labal rik'in ri rey kichin ri aj-Amón y kan xeruch'ek. Chupan k'a ri juna' ri' ri aj-Amón k'o chi xkitoj ri k'o chi nikitoj chire ri rey, rik'in jubama oxk'al wolajuj quintal saqipueq y 37,000 quintal trigo y keri' chuqa' ri retabal ri cebada. Kan jari' ri k'o chi xkiya' ri winaqi' ri', y oxi' juna' keri' xkiben.

2 Crón 17:12

Ri rey Josafat xk'oje' k'a q'anej ronojel uchuq'a' pa ruq'a', y xerupabala-q'anej nimalej taq jay tz'apen-kij chi tz'aq, y chuqa' xerupaba-q'anej tinamit ri akuchi ek'o jay richin yakonabel richin ronojel ri nik'atzin, chijun ri ajawaren.