2 Crón 27:1 - Kaqchiquel Bible

¹ Ri Jotam k'o k'a juwineq wo'o' rujuna' toq xuchop nuq'et-tzij pa ruwi' ri ajawaren Judá chiri' pa Jerusalem, y waqlajuj k'a juna' xq'aton-tzij chiri'. Ri rute' rubini'an Jerusá, rumi'al ri Sadoc.

2 Crón 27:1 ပူးပေါင်းရင်းမြစ်များ

2 Crón 26:21

Chirij ri' ri rey Ozías kan xk'oje' k'a ri yabil ri' chirij janipe' chik q'ij xk'ase-el. Xch'ar k'a el ruyon pa jun jay, y kan man xya'ox ta chik q'ij chire richin xapon pa rachoch ri Jehová. Y ja ri Jotam ri ruk'ajol, ri xk'oje' kan pa ruwi' ri jay richin q'atbel-tzij, y chuqa' pa ruwi' ri ruwach'ulew.

2 Crón 26:23

Toq xken ri Ozías, xa ja ri akuchi yemuq-wi ri ach'alalri'il kichin ri e rey xmuq-wi, roma k'o ri yabil ri' chirij. Y ri xk'oje' kan pa ruk'exel ja ri Jotam, ri ruk'ajol.

2 Crón 27:8

Ri Jotam k'o k'a juwineq wo'o' rujuna' toq xuchop nuq'et-tzij pa ruwi' ri ajawaren richin Judá chiri' pa Jerusalem, y waqlajuj k'a juna' xq'aton-tzij.

Wuj Richin ri Isaías 1:1

Ja yin ri' ri Isaías, ri ruk'ajol ri Amós. Jare' k'a ri rutzijol ri xink'ul rik'in ri Dios pa ruwi' ri tinamit Jerusalem y ri ruwach'ulew Judá, toq xeq'aton-tzij ri Ozías, ri Jotam, ri Acaz y ri Ezequías ri chiri' pa Judá.

Os 1:1

Ri Jehová xch'on k'a wik'in yin Oseas ri ruk'ajol ri Beerí, toq yeq'aton-tzij pa ruwi' ri ruwach'ulew Judá, ri Ozías, Jotam, Acaz y ri Ezequías. Chuqa' jari' toq ri Jeroboam ri ruk'ajol ri Joás niq'aton-tzij pa ruwi' ri ruwach'ulew Israel.

Wuj Richin ri Miqueas 1:1

Ri Jehová xuya' k'a jun rutzijol chuwe yin Miqueas aj-Moréset, ri k'o pa ruwach'ulew Judá, toq ri Jotam, ri Acaz y ri Ezequías xeq'aton-tzij pa ruwi' ri Judá. Y chupan ri ruq'ijul ri', xubij k'a chuwe ri xtibebanatej pa tinamit Samaria y ri pa Jerusalem.

San Mateo 1:9

Y re Ozías re' xralk'ualaj ri Jotam, ri Jotam xralk'ualaj ri Acaz, y ri Acaz xralk'ualaj ri Ezequías.