2 Crón 26:9 - Kaqchiquel Bible

⁹ Chuqa' kan xerupaba-q'anej kachoch ri chajinela' pa ruwi' ri tz'aq richin yechajix ri ruchi' ri tinamit Jerusalem; jun xuben chuxikin-apo ri ruchi' ri akuchi nusutij-el-ri' ri tz'aq, jun chik xuben chuxikin-apo ri ruchi' ri k'o chunaqaj ri tz'aq ri' y ri jun chik chuxikin-apo ri ruchi' ri k'o pa ruchojmilal ri taq'aj kojol juyu' ri k'o pa xokon chire ri tinamit.

2 Crón 26:9 ပူးပေါင်းရင်းမြစ်များ

Wuj Richin ri Nehemías 3:13

Chikinaqaj rije', ja chik ri Hanún y ri winaqi' ri ek'o pa tinamit Zanóah xechojmirisan-q'anej ri ruchi' ri tz'aq, y ri ruchi' ri tz'aq ri napon-qa kojol-juyu'. Xkiyala' kan che' y ch'ich' chirij richin xkich'ayuj kan jebel, chuqa' xkichojmirisaj 300 jaj chire ri tz'aq ri napon-qa pa toribel-q'ayis.

2 Crón 25:23

Y ri Joás, rey richin Israel, xuchop k'a ri Amasías, rey richin Judá, chiri' pa Bet-semes; k'ari' xuk'uaj-el pa Jerusalem, y xuwulaj k'a el 108 jaj chire ri tz'aq, nitiker-el akuchi niban-wi oken ri rubini'an Efraín y napon k'a rik'in ri jun chik ruchi' ri k'o akuchi nusutij-el ri' ri tz'aq.

2 Rey 14:13

Y ri Joás rey richin Israel xuchop kan ri Amasías rey richin Judá chiri' pa Bet-semes. K'ari' xbe pa Jerusalem, y xuwulaj 107 jaj rik'in nik'aj chire ri tz'aq richin ri tinamit, nitiker-pe rik'in ri ruchi' ri tz'aq ri akuchi nibe-wi ri bey ri nibe pan Efraín y napon k'a rik'in ri ruchi' ri tz'aq ri k'o pa xaman.

Wuj Richin ri Zacarías 14:10

Chijun ri ruwach'ulew ri' xtok taq'aj, nuchop-pe pa Geba y napon k'a pa Rimón ri k'o pa xokon chire ri Jerusalem. Jak'a ri Jerusalem xtik'oje' pa jotol y kan xkek'oje' chik winaqi' chuwech, nitiker-pe ri akuchi k'o-wi ri okinen richin Benjamín ri k'o pa relebel-q'ij, napon k'a akuchi k'o-wi ri okinen richin ri tz'aq ri nusutij-ri', ri k'o pa qajbel-q'ij. Nuchop chik ri akuchi k'o-wi ri okinen rik'in ri torre richin Hananel ri k'o pa xaman, y napon k'a akuchi nipitz'-wi ri uva ri richin ri rey, ri k'o pa xokon.

Wuj Richin ri Jeremías 31:38

Chuqa' ninbij chi xtapon k'a ri q'ij chi ri Jerusalem xtipabex chik q'anej jun bey, nitiker k'a el rik'in ri rachoch ri chajinel ri k'o pa ruwi' ri tz'aq richin Hananel y choj nibe akuchi nusutij-ri' ri tz'aq.

Wuj Richin ri Nehemías 3:32

Y ri yesamajin ri q'anapueq y ri saqipueq, y chuqa' ri loq'onela' y ri k'ayinela' xkichojmirisaj ri jun chik ram chire ri tz'aq. Xkichop k'a el akuchi xtane-wi kan ri Malquías y xe'apon k'a akuchi k'o-wi ri okibel kichin ri karne'l.

Wuj Richin ri Nehemías 3:24

Chirij rija', ri Binuy ruk'ajol ri Henadad xuchojmirisaj-el ri ram chire ri tz'aq ri k'o chuchi' ri rachoch ri Azarías k'a akuchi nusutij-ri' ri tz'aq.

Wuj Richin ri Nehemías 2:15

K'a q'equ'm na xibe-q'anej akuchi niq'ax ri ko'ol raqen-ya', chiri' k'a xintz'et ri tz'aq, y xitzolin-el akuchi ri in peteneq-wi.

Wuj Richin ri Nehemías 2:13

Xojel k'a el chuchi' ri tinamit ri napon-qa kojol juyu' y xojbe akuchi k'o ri ralaxbel-ya' ri rubini'an Dragón, y k'a chuchi' ri toribel q'ayis. Chiri' xqatzu' k'a chijun ri tz'aq ri tzaqineq. Keri' chuqa' ri ruchi' xeruk'is q'aq'.