2 Crón 26:8 - Kaqchiquel Bible

⁸ Ri aj-Amón xkiya' k'a ri kan k'o chi nikitoj chire ri Ozías. Ri rutzijol ri rubanobal ri Ozías kan xbe k'a nej-naqaj, y xapon k'a pa ruk'ulba't ri Egipto roma kan xnimer ri ruchuq'a'.

2 Crón 26:8 ပူးပေါင်းရင်းမြစ်များ

2 Crón 17:11

Ek'o k'a chike ri aj-Filistea xkiya' sipanik chire ri Josafat, y k'iy saqipueq k'o chi nikitoj chire, y ri aj-Arabia xkiya' k'a e 7,700 achija' karne'l y chuqa' e 7,700 achija' tzuntzun.

2 Sam 8:2

Y xeruch'ek chuqa' ri aj-Moab, y xuben chike ri aj-labal chi xejupe-qa pan ulew pa jun cholaj. K'ari' xuben chi ri ruwinaq xkirik' jun kolo' pa kiwi', y xretaj jun tzobaj ri aj-Moab. Y ri achi'a' ri' xekolotej-el. K'ari' xretaj chik ka'i' mul, y janipe' chike ri achi'a' ri e jupul chuxe' ri kolo', jari' ri xekamisex. Keri' xuben chike k'a xeruk'is na konojel ri e jupul chiri'. Y roma ri' ri aj-Moab xe'ok rusamajela' ri David, y k'o chi xkitoj chire ri k'atzinel.

Wuj Richin ri Rutikeribel 19:38

Y ri chaq'laxel xk'oje' chuqa' jun ti ral ti ala', y re ak'ual re' xubini'aj Ben-amí;*f18* y ri e rijatzul kan rija' xe'ok jun tzobaj winaqi' ri xkibini'aj chuqa' Amón. Y k'a keri' na kibi' etaman re q'ij re'.

San Mateo 4:24

Ri rutzijol ri Jesús xapon k'a pa ronojel tinamit richin ri ruwach'ulew Siria. Y kan xek'amalox-pe chuwech, yawa'i' ri man junan ta ruwech yabil nok chike. Ek'o ri kan q'axo'n richin ri ch'akulaj kik'uan, ek'o ri xa itzel taq espíritu ri e okineq kik'in. Ek'o k'a ri e ch'uja' y ek'o k'a chuqa' ri e sikirineq. Y kan konojel k'a re yawa'i' re' xeruk'achojirisaj-el.

2 Crón 20:1

Chirij k'a ronojel re' ri e rijatzul kan ri Moab y ri Amón xjunamatej-kiwech kik'in ri winaqi' meunita, y xepe richin nokibana' oyowal rik'in ri Josafat.

1 Rey 4:31

Y kan xok k'a jun achin aj-na'oj, y kan man jun chik achin achi'el rija'; kan más k'a retamabal chuwech ri aj-na'oj rubini'an Etán ri rijatzul kan ri Zeráh, y chuqa' kan más retamabal chikiwech ri e oxi' ruk'ajol ri Mahol ri kibini'an Hemán, Calcol y Dardá. Ri rutzijol ri retamabal ri Salomón kan xapon chuqa' kik'in konojel ri winaqi' richin ri ch'aqa' chik ruwach'ulew ri ek'o chunaqaj.

2 Sam 8:13

Ri David kan janila k'a xel rutzijol rik'in ri xerubanala' y roma chuqa' kan xeruch'ek ri aj-Edom, y xerukamisaj e 18,000 aj-labal chiri' pa taq'aj ri nibix atz'an chire.

1 Sam 11:1

Chirij ri', toq xik'o yan la'eq jun ik', jari' toq ri Nahas rey kichin ri amonita xuchop nuben labal kik'in ri aj-Jabés richin ri Galaad, y konojel ri aj-Jabés xkibij chire ri Nahas chi tijunamatej-kiwech kik'in y xke'ok rusamajela'.

Deut 2:19

Y toq xkixnaqajub k'a apo chikinaqaj ri winaqi' amonita, ri e rijatzul kan ri Lot, man jun tiben chike richin niyek koyowal, roma man ninya' ta chiwe ri ulew ri' richin niwichinaj, roma yin xinya' yan ri ruwach'ulew ri' chike rije', xcha' ri Moisés.

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

2 Crón 26:9

Chuqa' kan xerupaba-q'anej kachoch ri chajinela' pa ruwi' ri tz'aq richin yechajix ri ruchi' ri tinamit Jerusalem; jun xuben chuxikin-apo ri ruchi' ri akuchi nusutij-el-ri' ri tz'aq, jun chik xuben chuxikin-apo ri ruchi' ri k'o chunaqaj ri tz'aq ri' y ri jun chik chuxikin-apo ri ruchi' ri k'o pa ruchojmilal ri taq'aj kojol juyu' ri k'o pa xokon chire ri tinamit.

1 Crón 14:17

Ri xuben ri David kan xtalutej k'a rutzijol kik'in ri winaqi' richin chijun ruwach'ulew, y ri Jehová xuben k'a chire ri David chi kan k'o rukiy chikiwech chijun ruwach'ulew.

2 Crón 27:5

Xuben k'a labal rik'in ri rey kichin ri aj-Amón y kan xeruch'ek. Chupan k'a ri juna' ri' ri aj-Amón k'o chi xkitoj ri k'o chi nikitoj chire ri rey, rik'in jubama oxk'al wolajuj quintal saqipueq y 37,000 quintal trigo y keri' chuqa' ri retabal ri cebada. Kan jari' ri k'o chi xkiya' ri winaqi' ri', y oxi' juna' keri' xkiben.