2 Crón 26:7 - Kaqchiquel Bible

⁷ Ri Dios kan xuto' pa kiq'a' ri aj-Filistea, ri aj-Arabia ri ek'o pa ruwach'ulew Gur-baal y pa kiq'a' ri meunita.

2 Crón 26:7 ပူးပေါင်းရင်းမြစ်များ

1 Crón 12:18

Y k'o k'a jun achin rubini'an Amasai, aj-raqen pa kiwi' jun tzobaj achi'a' ri k'o janila kuchuq'a'. Y ri Espíritu richin ri Dios xqaqa-pe pa ruwi' rija' richin xubij chire ri David: Ojk'o awik'in David; Ojk'o awik'in, ruk'ajol ri Isaí; Man oj peteneq ta richin niqaben oyowal awik'in; Y man oj peteneq ta richin niqaben oyowal kik'in ri yeto'on awichin; Roma ri qa-Dios kan at ruto'on, xcha' ri Amasai. Y ri David xeruk'ul k'a chi utzil, y xeruya' aj-raqen pa kiwi' ri aj-labal.

1 Crón 4:41

jak'a pa ruq'ijul ri rey Ezequías aj-Judá, xepe ri achi'a'. Rije' kan xkiwulaj kan jumul ri taq kachoch ri ek'o-wi-qa ri winaqi' camita, y xek'oje' kan chiri' pa kik'exel, roma k'o jebel soq'olbel richin yekiyuq'uj ri kawej.

1 Crón 5:20

Y ri Dios kan xeruto' k'a chupan ri oyowal toq xkik'utuj to'onik chire, y rije' kan xkikuquba' kik'u'x rik'in. Y roma ri' kan xetzaq k'a ri e etzelanel kichin, y chuqa' ri e junamatajineq-kiwech kik'in.

1 Crón 5:22

Kan janila k'a k'iy xeken chupan ri labal ri', roma kan ja ri Dios xya'on q'ij chike ri israelita. Xek'oje' k'a kan pa taq kitinamit ri winaqi' agareno, k'a toq xe'uk'uex-el pan Asiria.

2 Crón 14:10

K'ari' ri Asá xbe richin xberubana' oyowal rik'in, e rachibilan ri aj-labal y xek'oje' pa taq'aj kojol juyu' richin Sefata chunaqaj ri Maresá.

2 Crón 14:11

Ri Asá xuk'utuj to'onik chire ri Jehová ri ru-Dios y xubij: ¡Jehová, chawech rat junan richin ye'ato' ri aj-labal ri k'o kuchuq'a', y ri maneq kuchuq'a'! Y roma ri' qojato' Jehová ri at qa-Dios, roma kan awik'in rat qakuquban-wi qak'u'x, y pan abi' rat oj peteneq-wi chikij re achi'a' re'. ¡Jehová ja rat at qa-Dios; tak'utu' k'a awi' chi awik'in rat kan man jun nitikir!, xcha'.

2 Crón 17:11

Ek'o k'a chike ri aj-Filistea xkiya' sipanik chire ri Josafat, y k'iy saqipueq k'o chi nikitoj chire, y ri aj-Arabia xkiya' k'a e 7,700 achija' karne'l y chuqa' e 7,700 achija' tzuntzun.

2 Crón 20:1

Chirij k'a ronojel re' ri e rijatzul kan ri Moab y ri Amón xjunamatej-kiwech kik'in ri winaqi' meunita, y xepe richin nokibana' oyowal rik'in ri Josafat.

2 Crón 21:16

K'ari' ri Jehová xuben chike ri winaqi' aj-Filistea y ri winaqi' e árabe, ri ek'o-apo chikinaqaj ri aj-Cus chi xkiben oyowal rik'in ri Joram.

2 Crón 25:8

Wi rije' xkebe iwik'in rix, ri Dios kan xtuben chiwe richin yixtzaq pa kiq'a' ri e etzelanel iwichin, stape' kan xtitej iq'ij rix; roma pa ruq'a' ri Dios k'o-wi ri uchuq'a' richin yixruto' o richin yixch'akatej, xcha'.

Wuj Richin Bix Chire ri Dios 18:29

Rik'in ri awuchuq'a' rat, yin yitikir yenk'is jun tzobaj aj-labal. Chuqa' yitikir yentzeq ri nima'q taq tz'aq richin ri kitinamit rije'.

Wuj Richin ri Isaías 14:29

Man kixkikot k'a rix aj-Filistea, stape' ri rey Acaz xa xken achi'el jun q'ajineq che'. Roma ri q'ajineq che' ri' xa xtok jun kumetz kamisanel, y ri chiwech-apo ri kumetz ri' kan xtok-el jun ruwech kumetz ri k'o ruxik'.

Hechos 26:22

Jak'a ri Dios kan k'o-pe wik'in. Roma ri' man jun k'a ri nuk'uluwachin pa kiq'a' ri winaqi'. Kan nubin k'a pe ri ruch'abel ri Dios chike konojel ri winaqi'; chike ri janila kiq'ij y chike chuqa' ri maneq ok kiq'ij. Xaxe k'a ri kibin kan ri q'alajirisey ruch'abel ri Dios y ri Moisés, ri nintzijoj yin, roma ja rije' ri e biyon kan ri nibanatej.