2 Crón 26:22 - Kaqchiquel Bible

²² Ri rutikeribel y ri ruk'isibel chire ri rubanobal ri Ozías xutz'ibaj kan ri q'alajirisey ruch'abel ri Dios rubini'an Isaías, ruk'ajol kan ri Amós.

2 Crón 26:22 ပူးပေါင်းရင်းမြစ်များ

Wuj Richin ri Isaías 1:1

Ja yin ri' ri Isaías, ri ruk'ajol ri Amós. Jare' k'a ri rutzijol ri xink'ul rik'in ri Dios pa ruwi' ri tinamit Jerusalem y ri ruwach'ulew Judá, toq xeq'aton-tzij ri Ozías, ri Jotam, ri Acaz y ri Ezequías ri chiri' pa Judá.

Wuj Richin ri Isaías 6:1

Chupan k'a ri juna' toq xken ri rey Ozías, jari' toq yin xintz'et chupan jun achi'el achik' chi ri Jehová tz'uyul pa ruwi' ri rutz'uyubal ri k'o el pa jotol y janila nim. Y ri ruchi' ri rutziaq runojisan ri rachoch.

2 Crón 12:15

Ri ch'aqa' chik natabel richin ri Roboam, ri pa rutikeribel y pa ruk'isibel chire ri ruk'aslen, xtz'ibatej kan chupan ri wuj ri richin ri q'alajirisey ruch'abel ri Dios rubini'an Semaías y chupan ri wuj richin ri Iddo, ri nitz'eton ri peteneq chiqawech. Y chijun k'a ri kik'aslen ri Roboam y ri Jeroboam, kan jantape' xk'oje' labal chikikojol.

2 Crón 9:29

Ri ch'aqa' chik natabel richin ri Salomón, ri pa rutikeribel y pa ruk'isibel chire ri ruk'aslen, xtz'ibatej kan chupan ri wuj ri kichin ri e q'alajirisey ruch'abel ri Dios, kibini'an Natán y ri Ahías ri aj-Siló, y chuqa' chupan ri wuj ri nich'on chirij ri rubanobal ri Jeroboam ruk'ajol ri Nabat, y ri wuj ri' ja ri Iddo ri nitz'eton ri peteneq chiqawech ri tz'ibayon kan.

2 Crón 26:23

Toq xken ri Ozías, xa ja ri akuchi yemuq-wi ri ach'alalri'il kichin ri e rey xmuq-wi, roma k'o ri yabil ri' chirij. Y ri xk'oje' kan pa ruk'exel ja ri Jotam, ri ruk'ajol.

2 Rey 19:2

Y xubij k'a chike ri Eliaquim, ri Sebná y ri e sacerdote, richin xkikusaj kitziaq richin bis. K'ari' xeruteq-el rik'in ri q'alajirisey ruch'abel ri Dios rubini'an Isaías ruk'ajol ri Amós.

2 Crón 25:26

Ri ch'aqa' chik rubanobal ri Amasías xtz'ibatej kan chupan ri wuj kichin ri rey ri e richin ri Judá y ri Israel; nuchop-pe pa rutikeribel k'a pa ruk'isibel chire ri ruk'aslen.

2 Crón 32:32

Ri ch'aqa' chik rubanobal ri Ezequías, y ri rujoyowanik ri xuben, xtz'ibex kan chupan ri wuj richin ri q'alajirisey ruch'abel ri Dios rubini'an Isaías, ruk'ajol ri Amós, y chupan ri kiwuj ri rey richin ri ruwach'ulew Judá y richin ri ruwach'ulew Israel.