2 Crón 26:21 - Kaqchiquel Bible

²¹ Chirij ri' ri rey Ozías kan xk'oje' k'a ri yabil ri' chirij janipe' chik q'ij xk'ase-el. Xch'ar k'a el ruyon pa jun jay, y kan man xya'ox ta chik q'ij chire richin xapon pa rachoch ri Jehová. Y ja ri Jotam ri ruk'ajol, ri xk'oje' kan pa ruwi' ri jay richin q'atbel-tzij, y chuqa' pa ruwi' ri ruwach'ulew.

2 Crón 26:21 ပူးပေါင်းရင်းမြစ်များ

Wuj Richin ri Chojmirisabelri'il 13:46

Y rokik k'a xtik'oje' ri yabil ri' chikij ri winaqi' ri', man k'a e ch'ajch'oj ta; k'o chi yek'oje' kiyon y nej chire ri akuchi ek'o-wi-qa.

2 Rey 7:3

Chiri' chuchi-el ri tinamit ek'o k'a e kaji' achi'a' ri k'o ri yabil chirij ri kich'akul ri kan nutaluj-ri'. Y rije' xkibij-qa chikiwech: ¿Achike roma ojk'o re wawe' y xaxe qoyoben ri qakamik?

Wuj Richin ri Q'axanri'il 12:15

Y keri', ri María kan xelesex na wi el wuqu' q'ij ri chiri', ri akuchi ek'o-wi-qa. Y k'a toq xtzolej na ri María,

Wuj Richin ri Chojmirisabelri'il 14:8

Ri wineq ri nuch'ajch'ojirisaj-ri' k'o chi nuch'ej rutziaq, natin y xtujos-el ronojel ri rusumal, y k'ari' nich'ajch'ojir. Y k'ari' utz napon chik akuchi k'o-wi-qa ri tinamit, stape' man nok ta pa rachoch wuqu' q'ij.

2 Crón 26:20

Jari' toq ri Azarías y ri ch'aqa' chik sacerdote xkitz'et chi xbe'el-pe ri jun itzel yabil ri' nik'aj-ruwech, y rije' kan chi'anin k'a xkelesaj-pe chiri'; y rija' kan man xupaba' ta chik ri', roma kan ja ri Jehová xya'on re ruk'ayewal re' pa ruwi'.

Wuj Richin ri Q'axanri'il 5:4

Y ri israelita kan xekelesaj k'a el ri akuchi ek'o-wi-qa konojel ri winaqi' ri keri' kibanon, achi'el rubin ri Jehová chire ri Moisés.

2 Crón 27:1

Ri Jotam k'o k'a juwineq wo'o' rujuna' toq xuchop nuq'et-tzij pa ruwi' ri ajawaren Judá chiri' pa Jerusalem, y waqlajuj k'a juna' xq'aton-tzij chiri'. Ri rute' rubini'an Jerusá, rumi'al ri Sadoc.