2 Crón 26:13 - Kaqchiquel Bible

¹³ Y pa kiq'a' rije' ek'o 307,500 achi'a' ri janila kuchuq'a', ri kan yetikir nikito' ri rey chikiwech ri e etzelanel richin.

2 Crón 26:13 ပူးပေါင်းရင်းမြစ်များ

2 Crón 25:5

K'ari' ri Amasías xerumol k'a konojel achi'a' ri e richin ri rajawaren, y xerunuk' k'a achi'el ri kitzobaj richin xe'ok aj-labal. K'ari' xeruya' aj-raqen pa kiwi' rije'. Xuben k'a chi xtz'ibex kibi' ri k'o juwineq kijuna' pa jotol, y ri kajlabal konojel e 300,000 aj-labal, ri kan kik'uan kitobal y ri kikum.

2 Crón 14:8

Ri Asá xek'oje' aj-labal rik'in; ri aj-Judá ek'o k'a e 300,000 achi'a' ri k'o kitobal y kikum, y ri aj-Benjamín ek'o k'a 280,000 achi'a' ri k'o kokoj tobel kik'in y chuqa' k'o ri rute-ch'ab kik'in; konojel k'a re achi'a' re' janila kuchuq'a' k'o.

2 Crón 13:3

Y ri Abiam xerucha' k'a el e 400,000 aj-labal ri más e utz. Keri' chuqa' ri Jeroboam xerucha' e 800,000 aj-labal, chuqa' ri más e utz, y xebe k'a richin nibekibana' oyowal.

2 Crón 11:1

Y toq ri ch'aqa' chik tzobaj richin ri tinamit Israel xkak'axaj chi ri Jeroboam xtzolin-pe, konojel ri winaqi' xkimol-ki' richin nikiben rey chire pa ruwi' ri ruwach'ulew Israel; y kan xaxe chik k'a ri tzobaj richin ri Judá ri xtzeqeliben richin ri Roboam.

2 Crón 12:1

Toq ri Roboam xjike' ri ruq'atbal-tzij y xuna' richin xk'oje' ruchuq'a', xa kan man xutaqej ta chik ri rupixa' ri Jehová y chuqa' keri' xkiben konojel ri winaqi' ri ek'o chupan ri q'atbel-tzij.

2 Crón 26:12

Y pa kiwi' ri jujun tzobaj, k'o jun aj-raqen ri kan k'o ruchuq'a' y maneq xibinri'il chuwech. Ri kajlabal konojel ri aj-raqen pa kiwi' ri tzobaj ri' e 2,600.

2 Crón 26:14

Ri Ozías xunaba' k'a chike ri achi'a' ronojel ri tobel, ri kum, ri rutobal kijolon, ri tobel ruwa-kik'u'x, ri rute-ch'ab y ri ikeq'.

2 Crón 14:7

Y xubij k'a chike ri aj-Judá: Qatz'apej-kij ri qatinamit y qapaba-q'anej tz'aq y kachoch ri chajinela' pa ruwi' ri tz'aq, y chirij ri ruchi' ri tz'aq tiqaya' ch'ayubel ri banon rik'in ch'ich' y che', rokik ri ruwach'ulew k'o pa qaq'a' roj, roma kan qakanon ri qa-Dios y rija' kan ruya'on uxlanibel-k'u'x qik'in, xcha'. Y keri' rije' xkipaba-q'anej ri samaj ri' y ronojel kan utz k'a xuben chikiwech.