2 Crón 26:11 - Kaqchiquel Bible

¹¹ Ri Ozías ek'o k'a janila chi aj-labal rik'in. Y e ruch'aralon pa taq tzobaj richin yebe pan oyowal. Ri kajlabal kan achi'el ri rubanon kan ri Jehiel ri tz'ibanel, y ri Maaseías jun chike ri aj-raqen pa kiwi' ri aj-labal, ri ek'o chuxe' rutzij ri Hananías, jun chike ri aj-raqen kichin ri rusamajela' ri rey.

2 Crón 26:11 ပူးပေါင်းရင်းမြစ်များ

2 Rey 5:2

Chiri' pa Siria xe'el k'a pe achi'a' pa taq tzobaj ri e richin oyowal richin yebekik'ama' winaqi' pan Israel. Y k'o k'a jun q'ij xkik'uaj-el jun xten, y re xten re' xbeyuqe' pa samaj rik'in ri rixjayil ri Naamán.

2 Crón 26:10

Ri Ozías chuqa' xerupaba-q'anej kachoch ri chajinela' pa tz'iran ruwach'ulew. Rija' kan janila e k'iy rawej ek'o, y roma ri' xeruk'otola' k'iy pozo richin ye'uk'ya' ri rawej ri e ruya'on chuwa taq juyu' y ri ek'o chuchi' ri palou. Chuqa' ek'o rusamajela' ri yesamej ri akuchi rutikon-wi-qa uva y ri akuchi k'o-wi ri jalajoj ruwech rutiko'n ri e rubanon chuwi' taq juyu'; y kan k'iy k'a ruqejoj k'o roma kan niqa' chuwech ri samaj richin pa juyu'.

2 Crón 26:12

Y pa kiwi' ri jujun tzobaj, k'o jun aj-raqen ri kan k'o ruchuq'a' y maneq xibinri'il chuwech. Ri kajlabal konojel ri aj-raqen pa kiwi' ri tzobaj ri' e 2,600.