2 Crón 26:10 - Kaqchiquel Bible

¹⁰ Ri Ozías chuqa' xerupaba-q'anej kachoch ri chajinela' pa tz'iran ruwach'ulew. Rija' kan janila e k'iy rawej ek'o, y roma ri' xeruk'otola' k'iy pozo richin ye'uk'ya' ri rawej ri e ruya'on chuwa taq juyu' y ri ek'o chuchi' ri palou. Chuqa' ek'o rusamajela' ri yesamej ri akuchi rutikon-wi-qa uva y ri akuchi k'o-wi ri jalajoj ruwech rutiko'n ri e rubanon chuwi' taq juyu'; y kan k'iy k'a ruqejoj k'o roma kan niqa' chuwech ri samaj richin pa juyu'.

2 Crón 26:10 ပူးပေါင်းရင်းမြစ်များ

2 Rey 19:23

Xe'ateq aj-raqen richin xech'on itzel chuwij. Xabij-el chike: Yin xitikir xijote' pa ruwi' taq juyu' roma janila nu-carruaje ek'o. Xijote' k'a chuwa taq juyu' Líbano. Xinapon k'a pa k'echelaj ri akuchi man jun apowineq, y chiri' xenwil nima'q molaj taq che' ri jebel kibanon. Xinqasaj ri más nima'q taq tiox-che', y ri jebelej taq k'isis.

2 Rey 3:4

Ri rey richin ri ruwach'ulew Moab rubini'an Mesá; rija' rajaw jun nimalej tzobaj awej, y kan nutoj ri k'o chi nitoj chire ri rey richin Israel. Ronojel juna' nuya' 100,000 alaji' taq karne'l y ri kisumal e 100,000 achija' karne'l.

2 Crón 17:12

Ri rey Josafat xk'oje' k'a q'anej ronojel uchuq'a' pa ruq'a', y xerupabala-q'anej nimalej taq jay tz'apen-kij chi tz'aq, y chuqa' xerupaba-q'anej tinamit ri akuchi ek'o jay richin yakonabel richin ronojel ri nik'atzin, chijun ri ajawaren.

2 Crón 17:13

Chupan ri tinamit richin yakonabel, janila k'a k'iy ri k'atzinel yakon kan. Y chiri' pa Jerusalem, kan janila k'a e k'iy aj-labal ri maneq xibinri'il chikiwech ri xek'oje' rik'in ri Josafat.

2 Crón 26:11

Ri Ozías ek'o k'a janila chi aj-labal rik'in. Y e ruch'aralon pa taq tzobaj richin yebe pan oyowal. Ri kajlabal kan achi'el ri rubanon kan ri Jehiel ri tz'ibanel, y ri Maaseías jun chike ri aj-raqen pa kiwi' ri aj-labal, ri ek'o chuxe' rutzij ri Hananías, jun chike ri aj-raqen kichin ri rusamajela' ri rey.

2 Crón 32:29

Chuqa' xeruben-q'anej ch'aqa' chik tinamit. Ri karne'l kan pa q'ataj k'a xek'oje' rik'in, y kan keri' chuqa' ri ruwákix; ronojel re' roma ri Dios xuya' k'iy beyomel chire.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin ri Isaías 29:17

Juba' chik apo ri juyu' richin Líbano xa kan xtok ulew richin tiko'n, y ri ulew richin tiko'n xa kan xtok jun k'echelaj.

Wuj Richin ri Josúe 15:55

Y chuqa' xkichinaj ri tinamit Maón, Carmel, Zif, Jutá,

1 Sam 15:12

Nimaq'a' yan chire ri jun chik q'ij, ri Samuel xbe richin niberuk'ulu' ri Saúl, jak'a xbix chire chi rija' xa xbe pa tinamit Carmel, richin chi xbekibana' jun paban-abej richin natabel richin rija'. Y chirij ri' xbe chik qa pa Guilgal.