2 Crón 25:7 - Kaqchiquel Bible

⁷ Jak'a jun q'alajirisey ruch'abel ri Dios ri xapon rik'in, y xubij chire: Wajaw, man ke'awachibilaj-el ri achi'a' ri' ri e richin ri tzobaj Efraín, roma ri Jehová xa man k'o ta kik'in ri aj-Israel.

2 Crón 25:7 ပူးပေါင်းရင်းမြစ်များ

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

2 Timoteo 3:17

Richin chi ri rusamajel ri Dios kan ta tz'aqet. Roma ronojel ri' nik'atzin richin chi kan nitikir nuben ronojel ri utzilej samaj.

1 Timoteo 6:11

Jak'a rat, Timoteo, ri at rusamajel ri Dios, katanimej chuwech ronojel re'; kan tatija' aq'ij nak'uaj jun k'aslen choj, jantape' tabana' ri niqa' chuwech ri Dios, kan takuquba' ak'u'x rik'in ri Cristo, katajowan, kakoch'on y tak'uaj jun k'aslen ch'uch'uj.

Os 9:13

Yin nintz'et chi ri tinamit Israel kan junan rik'in ri tinamit Tiro. Ri kan jebel ri akuchi k'o-wi; jak'a xa kan xeruk'iytisaj ri ralk'ual xaxe richin yerujech pa kamik.

2 Crón 13:12

Tiwetamaj k'a, chi ri Dios kan ja rija' ri k'o pa qawi' roj y ri e ru-sacerdote kan koyoben richin nikixupuj ri trompeta richin retal labal chiwij rix. Roma ri' rix aj-Israel, man tiben oyowal rik'in ri Jehová ri qa-Dios roj y ri ki-Dios kan ri qati't-qamama', roma kan man utz ta xtel chiwech, xcha'.

1 Rey 13:1

Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

2 Sam 12:1

Ri Jehová xuteq-el jun q'alajirisey ruch'abel rik'in ri David ri rubini'an Natán y xubij chire: Ek'o k'a e ka'i' achi'a' pa jun tinamit; ri jun beyom y ri jun chik man jun k'o rik'in.

2 Rey 4:9

Y k'o k'a jun q'ij ri ixoq xubij chire ri rachijil: Yin niq'ax chinuwech chi re achin re niq'ax-el qik'in, re' kan jun nimalej rusamajel ri Dios.

2 Crón 25:6

Chuqa' xeroyoj e 100,000 aj-labal ri maneq xibinri'il chikiwech ri e richin ri ruwach'ulew Israel ri k'o pa xaman, y xerutoj rik'in jubama oxk'al wolajuj quintal saqipueq.