2 Crón 25:23 - Kaqchiquel Bible

²³ Y ri Joás, rey richin Israel, xuchop k'a ri Amasías, rey richin Judá, chiri' pa Bet-semes; k'ari' xuk'uaj-el pa Jerusalem, y xuwulaj k'a el 108 jaj chire ri tz'aq, nitiker-el akuchi niban-wi oken ri rubini'an Efraín y napon k'a rik'in ri jun chik ruchi' ri k'o akuchi nusutij-el ri' ri tz'aq.

2 Crón 25:23 ပူးပေါင်းရင်းမြစ်များ

Wuj Richin ri Nehemías 8:16

Xebe k'a ri winaqi' pa taq juyu' y xekik'amala' pe ri ruq'a' taq che' y xekiben k'a ri taq kachoch chikijujunal pa ruwi-q'anej ri kachoch, chuwa taq jay, chuwech rachoch ri Dios y akuchi nikimol-wi-ki' richin ye'el-ye'ok-wi ri erey taq ya' y akuchi k'o-wi ri bey ri nibe pan Efraín.

2 Crón 21:17

Y xe'ok-apo pa Judá y xekik'uaj-el ronojel ri k'o rejqalen ri e ya'on kan chupan ri jay akuchi nuq'et-wi-tzij ri rey. Chuqa' xe'uk'uex-el ri ralk'ual y ri e rixjayil; xaxe chik ri Ocozías ri más ko'ol ri chuqa' rubini'an Joacaz, ri xkolotej kan.

Wuj Richin ri Jeremías 31:38

Chuqa' ninbij chi xtapon k'a ri q'ij chi ri Jerusalem xtipabex chik q'anej jun bey, nitiker k'a el rik'in ri rachoch ri chajinel ri k'o pa ruwi' ri tz'aq richin Hananel y choj nibe akuchi nusutij-ri' ri tz'aq.

Wuj Richin ri Nehemías 12:39

Y xojq'ax pa ruwi' ri ruchi' ri tz'aq ri nibe pan Efraín, ri ruchi' ri tz'aq rubini'an Jesaná, ri ruchi' ri akuchi ye'ok-wi ri k'ayil taq ker, ri ruchi' ri rachoch ri chajinel ri k'o pa ruwi' ri tz'aq richin ri Hananel, ri rachoch ri chajinel ri k'o pa ruwi' ri tz'aq ri nibix Cien chire y chuqa' ruchi' ri tz'aq akuchi ye'ok-wi ri karne'l, y xojbepa'e' k'a akuchi ek'o-wi ri ruchi' kichin ri chajinela'.

2 Crón 26:9

Chuqa' kan xerupaba-q'anej kachoch ri chajinela' pa ruwi' ri tz'aq richin yechajix ri ruchi' ri tinamit Jerusalem; jun xuben chuxikin-apo ri ruchi' ri akuchi nusutij-el-ri' ri tz'aq, jun chik xuben chuxikin-apo ri ruchi' ri k'o chunaqaj ri tz'aq ri' y ri jun chik chuxikin-apo ri ruchi' ri k'o pa ruchojmilal ri taq'aj kojol juyu' ri k'o pa xokon chire ri tinamit.

2 Crón 22:1

Ri winaqi' aj-Jerusalem xkikusaj kan rey ri Ocozías ri más chaq'laxel, roma ri e nimalaxela' xa xekamisex koma jun tzobaj e itzel taq achi'a' ri junan e peteneq kik'in ri aj-Arabia.

San Lucas 14:11

Roma ri', ri nikinimirisaj-ki', xa xtiqasex kiq'ij. Jak'a ri kan ruqasan-ri', xtinimirisex ruq'ij, xcha' ri Jesús.

Wuj Richin ri Abdías 1:3

Rix ixk'o chukojol nima'q taq abej, ixk'o pa ruwi' taq juyu'; y roma ri' iq'olon-iwi' y chuqa' inimirisan-iwi', y nibij-qa pan iwánima: ¿Achike ta k'a xtitikir xtich'akon chiqij roj?, yixcha-qa.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Wuj Richin Etamabel-Tzij 29:23

Ri wineq ri nunimirisaj-ri', jari' ri xtibanon chire chi nibe pa xulan, jak'a ri wineq ri xa maneq ok ruq'ij nuna' ri pa ránima, jari' ri xtibanon chire chi xtinimirisex ruq'ij.

Wuj Richin Etamabel-Tzij 16:18

Nabey ja ri nimirisanen ri nipe pa ruk'aslen ri wineq, y k'ari' nuben chire chi nibe pa xulan; kan roma k'a ri nunimirisaj-ri', roma ri' toq ri ruk'aslen ri wineq nitzaq.

2 Crón 36:10

Pa rutikeribel ri jun chik juna', ri rey Nabucodonosor xuteq rubixik chi tuk'uex-el pa Babilonia ri Joaquín, junan rik'in ri samajibel ri k'o kejqalen ri ek'o pa rachoch ri Jehová. Y ja ri Sedequías, rach'alal ri Joaquín, xukusaj kan rey pa kiwi' ri aj-Judá y ri aj-Jerusalem.

2 Crón 36:6

Y ri Nabucodonosor rey richin Babilonia xapon rik'in ri Joaquim y xuxim rik'in cadena ri banon rik'in q'enq'oj-pueq y xuk'uaj-el pa Babilonia.

2 Crón 33:11

Y roma ri' ri Jehová xeruk'en-pe aj-raqen kichin ri aj-labal aj-Asiria chikij. Xkixim k'a el ri Manasés rik'in cadena ri banon rik'in q'enq'oj-pueq, y k'ari' xkik'uaj-el pa Babilonia.

2 Crón 22:6

Y xtzolin k'a pe richin xraq'omaj-el-ri' pa tinamit Jezreel roma xsokotej-pe pa Ramot toq xkiben oyowal kik'in ri aj-Siria. Y toq q'axineq chik ka'i-oxi' q'ij, ri Ocozías xberutz'eta-el ri Joram chiri' pa Jezreel, rokik nraq'omaj ri'.

2 Rey 14:13

Y ri Joás rey richin Israel xuchop kan ri Amasías rey richin Judá chiri' pa Bet-semes. K'ari' xbe pa Jerusalem, y xuwulaj 107 jaj rik'in nik'aj chire ri tz'aq richin ri tinamit, nitiker-pe rik'in ri ruchi' ri tz'aq ri akuchi nibe-wi ri bey ri nibe pan Efraín y napon k'a rik'in ri ruchi' ri tz'aq ri k'o pa xaman.

2 Crón 25:22

Y ri aj-Judá kan xech'akatej k'a koma ri aj-Israel, y xa xe'animej-el richin xebe chi taq kachoch.

2 Crón 32:5

Y ri Ezequías kan rik'in k'a ronojel uchuq'a' xuteq ruchojmirisaxik ri tz'aq, y xeruben-q'anej jay kichin ri chajinela' pa ruwi', y chuqa' xuben jun chik tz'aq ri xk'oje-pe chuwech ri tz'aq ri kan k'o. Chuqa' xunojisaj chik chi ulew ri chuwech-pe ri tz'aq ri k'o chiri' pa tinamit richin ri rey David. Y xuteq rubanikil k'iy espada y tobel.