2 Crón 25:18 - Kaqchiquel Bible

¹⁸ Jak'a ri Joás kere' xubij-pe: Jun ti k'ix ri k'o chiri' pa Líbano nuteq rubixik chire jun nimalej tiox-che' chi tuya' ri rumi'al chire ri ruk'ajol richin nok rixjayil. Jak'a xa xik'o jun chikop richin pa k'echelaj y xq'ax chirij ri k'ix ri' y xuq'ej kan jumul.

2 Crón 25:18 ပူးပေါင်းရင်းမြစ်များ

Wuj Richin Bix Chire ri Dios 80:13

Rije' xa e achi'el juyubel aq ri xa nikikich rupan ri qaruwach'ulew; e achi'el ri k'uxunela' taq chikopi' ri xa xe'ok chupan richin xkik'is-el ronojel.

1 Rey 4:33

Chuqa' rik'in ri retamabal kan xtijon k'a pa kiwi' jalajoj kiwech che'; ri tiox-che' ri richin ri Líbano y chuqa' pa ruwi' ri hisopo, ri jun q'ayis ri nik'iy-pe chuwech tz'aq. Chuqa' xtijon pa kiwi' ri chikopi' ri ek'o pa k'echelaj, pa kiwi' ri aj-xik' taq chikopi', pa kiwi' ri chikopi' ri e jepejeq y ri nikiqirirej-ki', y chuqa' pa kiwi' ri ker.

Ex 3:2

Y ri chiri' ri ángel richin ri Jehová xuk'ut k'a ri' chuwech ri Moisés, chupan jun ruxaq q'aq' ri nel-pe chupan jun q'ayis k'o ruk'ixal. Toq ri Moisés xutz'et ri' xuch'ob rij chi achike roma toq ri jun k'ix ri' man nik'is ta qa pa ruq'a' ri q'aq'.