2 Crón 25:14 - Kaqchiquel Bible

¹⁴ Toq ri Amasías xtzolin-pe chikikamisaxik ri aj-Seir, xeruk'en-pe ri ki-dios ri winaqi' ri', y xe'ok-qa richin rija'. Kan xuya' k'a kiq'ij y xuporoj pom chikiwech.

2 Crón 25:14 ပူးပေါင်းရင်းမြစ်များ

2 Crón 28:23

Ri Acaz kan xusuj kamelabel chuwech ri ki-dios ri aj-Damasco roma xa xch'akatej pa kiq'a' rije'. Xubij k'a rija': Ri rey richin Siria xeto'ox koma ri ki-dios; yin chuqa' kan xtinsuj k'a kamelabel chikiwech richin yinkito', xcha-qa. Y roma ri' xpe wululen pa ruwi' rija' y pa ruwi' ronojel ri ruwach'ulew Judá.

Wuj Richin ri Isaías 44:19

Man nuch'ob ta qa y nubij ta: Ri nik'aj chire re che' re' xa xinya' pa q'aq', y pa ruwi' ri racheq-q'aq', xinchaq'irisaj-wi nuway, xinsa' ti'ij y xintej. Y ri juba' chik che' ri xk'oje' kan chire ri che' ri', xinben jun relik wachibel chire. Y re ninya' ruq'ij xa jun ti juba' che', man nicha' ta.

2 Sam 5:21

Y ri aj-Filistea, toq xe'animej, xekiyala' k'a kan ri wachibel ri nikiya' kiq'ij. Y ri David y ri aj-labal xkik'uaj k'a el ronojel re'.

Deut 7:25

Rix kan xke'iporoj ri ruwachibel ri ki-dios. Man tirayij ri saqipueq, ri q'anapueq ri e ya'on chikij, richin chi man tok jun pikbel chiwe rix. Man xa kixtzaq pa mak roma ri', roma keri' kan man niqa' ta chuwech ri Jehová ri qa-Dios.

Deut 7:5

Ke'iwulaj ronojel ri porobel, ri wachibel, ri paban taq che' ri nikiya' ruq'ij; kan ke'iporoj k'a kan.

2 Crón 25:2

Ri Amasías kan xutaqej k'a ri nubij ri pixa' richin ri Jehová, stape' man kan ta rik'in ronojel ránima.

2 Crón 25:13

Rokik ri' ri tzobaj ri xerutzolij-el chi taq kachoch ri Amasías richin man xebe ta chik pan oyowal, xe'el-pe pa tinamit Samaria, xe'apon k'a pa Bet-horón y xe'ok chupan ri Judá. Xekikamisaj k'a kan e 3,000 winaqi' aj-Judá y xkimej-el chuwi-kiq'a' ri janila chi beyomel ri k'o kik'in.

Wuj Richin ri Isaías 44:15

K'ari' rija' xa nukusaj richin rusi' richin nuben ruq'aq' chire. Xa kan nik'atzin chire richin nimeq'e' chuwech. Chuqa' nik'atzin chire richin nuben ruway y ruq'utun. Y rik'in ri juba' che' ri k'o kan, xa nuben jun wachibel richin nuya' ruq'ij. Nuben jun dios rik'in ri che' ri' richin nixuke' chuwech.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

2 Rey 14:8

K'ari' ri Amasías xuteq rutzijol rik'in ri Joás rey richin Israel, chi tikibana' oyowal.

Am 2:4

Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.