2 Crón 25:13 - Kaqchiquel Bible

¹³ Rokik ri' ri tzobaj ri xerutzolij-el chi taq kachoch ri Amasías richin man xebe ta chik pan oyowal, xe'el-pe pa tinamit Samaria, xe'apon k'a pa Bet-horón y xe'ok chupan ri Judá. Xekikamisaj k'a kan e 3,000 winaqi' aj-Judá y xkimej-el chuwi-kiq'a' ri janila chi beyomel ri k'o kik'in.

2 Crón 25:13 ပူးပေါင်းရင်းမြစ်များ

2 Crón 8:5

Chuqa' xupaba' chik q'anej jun bey ri tinamit Bet-horón ri k'o pa xulan y ri Bet-horón ri k'o pa jotol; ri ka'i' tinamit ri' e sutin-kij rik'in tz'aq y ri kichi' jebel e tz'apen y ya'on ch'ich' chikij.

1 Rey 16:29

Toq ri Asá k'a k'es na, y chupan ri juna' juwineq waqxaqlajuj richin ri ruq'atbal-tzij pa ruwi' ri Judá, jari' toq xok kan rey ri Acab ri ruk'ajol ri Omrí, ri chiri' pan Israel.

1 Rey 16:24

Y k'o k'a jun juyu' chiri' ri rubini'an Samaria, y ri rajaw ri juyu' ri' rubini'an Sémer. Y ri Omrí xuloq' k'a kan ri juyu' ri'. Xutoj jubama jun quintal rik'in nik'aj saqipueq, y chiri' xupaba-wi-q'anej jun tinamit ri xubini'aj Samaria, roma ri nabey rajaw xubini'aj Sémer.

1 Rey 9:17

Y roma ri' ri rey Salomón xupaba' chik q'anej ri tinamit Guézer. Chuqa' xerupaba' chik q'anej ri tinamit Bet-horón ri k'o k'a pa xulan-qa,

Wuj Richin ri Josúe 10:10

Ri Jehová xuben k'a chike ri amorreo richin xpe jun xibinri'il richin kamik pa kiwi' koma ri israelita. Y keri' ri Josué y ri achi'a' xekikamisaj e k'iy chike ri winaqi' ri' ri chiri' pa Gabaón. Y ri ch'aqa' chik xa xe'animej. Y ri Josué y ri achi'a' xekitzeqelibej k'a pe chupan ri bey ri nixule-qa pa tinamit Bet-horón y xekikamisaj e k'iy k'a chiri' pa tinamit Azecá y pa tinamit Maquedá.

2 Crón 25:12

Chirij re', xekichop chik el e 10,000 achi'a' aj-Seir, y xekik'uaj-el pa ruwi' jun nimalej juyu' y chiri' xebekinima' k'a pe pan abej, y kan xeq'aj k'a y xeken.

2 Crón 25:14

Toq ri Amasías xtzolin-pe chikikamisaxik ri aj-Seir, xeruk'en-pe ri ki-dios ri winaqi' ri', y xe'ok-qa richin rija'. Kan xuya' k'a kiq'ij y xuporoj pom chikiwech.