2 Crón 25:10 - Kaqchiquel Bible

¹⁰ K'ari' ri Amasías xuben chike ri aj-labal aj-Efraín chi xa xerutzolij-el chi taq kachoch. Jak'a rije' janila xpe koyowal chike ri aj-Judá y kan janila k'a koyowal xetzolin-el chi taq kachoch.

2 Crón 25:10 ပူးပေါင်းရင်းမြစ်များ

Wuj Richin Etamabel-Tzij 29:22

Ri wineq ri kan niyakatej royowal, xa nuyek oyowal chikikojol ri winaqi'; ri kan janila kow taq ch'abel ri yerubila' roma royowal jantape' nimakun.

1 Rey 12:24

Ri Jehová nubij chi man yixbe ta richin nibebana' oyowal kik'in ri qach'alal ri e rijatzul kan ri Israel. Más utz kixtzolin chi'ijujunal chi'iwachoch, roma kan ja ri Jehová ri xya'on q'ij chi keri' xbanatej, kacha' chike, xcha' ri Jehová chire ri Semaías. Toq ri winaqi' xkak'axaj ronojel re', rije' kan xkinimaj k'a ri ruch'abel ri Dios y xetzolej k'a chi taq kachoch.

2 Sam 19:43

K'ari' ri israelita ri ek'o pa xaman xkibij chike ri aj-Judá: Roj qak'uan-qi' lajuj tzobaj, y roma ri' lajuj mul más k'o qaq'a' chire ri rey chiwech rix. ¿Y achike roma rix niben chiqe chi maneq qejqalen? Pa ruwi' ri' kan ja roj ri xojbin chi titzolej-pe ri qa-rey, xecha'. Jak'a ri aj-Judá kan más poqon taq ch'abel ri xekibij chike.

2 Crón 25:9

K'ari' ri Amasías xuk'utuj chire ri q'alajirisey ruch'abel ri Dios y xubij: ¿Y achike k'a xtiban rik'in ri jubama oxk'al wolajuj quintal saqipueq ri xinya' yan chike ri aj-labal aj-Israel?, xcha'. K'ari' ri q'alajirisey ruch'abel ri Dios xubij chi ri Dios k'o janila chi beyomel rik'in richin nutzolij chik chire más k'iy chuwech ri xuya-el ri Amasías.

2 Crón 25:11

Ri Amasías kan xk'oje' k'a el ruchuq'a' chikiwech ri ruwinaq y xebe k'a pa taq'aj ri nibix Atz'an chire, y xerukamisaj k'a kan e 10,000 achi'a' ri e rijatzul kan ri Seir.