2 Crón 24:22 - Kaqchiquel Bible

²² Y keri' ri rey Joás xa kan xumestaj yan ri joyowanik ri xuk'ut kan ri Joiadá chuwech, y roma ri' xukamisaj ri Zacarías, ri ruk'ajol. Y toq ri Zacarías niken yan qa, xubij: Kan ja ri Jehová xtitz'eton ronojel re', y kan ja rija' xtiq'aton-tzij pan iwi', xcha'.

2 Crón 24:22 ပူးပေါင်းရင်းမြစ်များ

Wuj Richin ri Rutikeribel 9:5

Roma kan qitzij ninbij chiwe, chi wi k'o jun chikop nukamisaj jun chiwe rix, k'o chi xtinch'ojij ri ik'aslen chire; y wi jun chiwe rix nukamisaj jun chik wineq, chuqa' xtinch'ojij ri ruk'aslen chire.

San Lucas 11:51

Nitiker-pe rik'in ri rukamik ri Abel*f24* k'a rik'in ri rukamik ri Zacarías,*f25* ri xkamisex chunaqaj ri porobel ri k'o chuwa-rachoch ri Dios. Roma ri' ninbij chiwe, chi ri Dios pan iwi' rix xtuya-wi ri kikamik konojel ri winaqi' ri'.

Apocalipsis 19:2

Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.

San Juan 10:32

Jak'a ri Jesús xubij: Kan k'iy k'a utzilej taq samaj ri e nubanalon chiwech, roma ri uchuq'a' ri ruya'on-pe ri nata' chuwe. ¿Achike k'a chike ri utzilej taq samaj ri' ri man niqa' ta chiwech, y roma ri' niwajo' yinikamisaj chi abej?, xcha'.

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

2 Timoteo 4:16

Ri pa nabey toq xinuk'uex chuwech ri q'atoy-tzij, man jun xto'on wichin. Jak'a man ninwajo' ta chi ri Dios xtuya' ta ruk'exel chike ri xa man xinkito' ta y xinkiya' kan nuyon.

2 Timoteo 4:14

Ri Alejandro ri samajiy-ch'ich', k'iy k'a itzel ri rubanon chuwe. Ri Dios kan xtuya-wi k'a ri rutojbalil chire, kan achi'el ri rubanobal.

Wuj Richin ri Jeremías 51:56

Xkepe k'a richin nokik'isa' ri ruwach'ulew Babilonia. Xkekichop ri aj-labal y kan xtikiq'ej ri kik'aqbal-ch'ab. Roma yin Jehová in jun Dios ri kan chike chikijujunal ninya' ri rutojbalil-mak ri kan ruk'amon.

Wuj Richin ri Jeremías 11:20

Jak'a yin xinbij chire ri Jehová k'iytisanel richin ronojel: Rat ri at to'onel y kan pa ruchojmilal ri naben. Rat awetaman ri nuch'ob ri wineq y chi xinjech yan wi' pan aq'a'. Roma ri' taya' k'a rutojbalil pa kiwi' richin yentz'et, xicha'.

Wuj Richin Etamabel-Tzij 17:13

Ri wineq ri xa itzel ruk'exel nutzolij chire ri jun chik wineq ri k'o utz ri nuben chire; ri pa rachoch ri nibanon itzel, kan man jun bey xke'uxlan ta juba' pa ruq'a' ri etzelal.

Wuj Richin Bix Chire ri Dios 109:4

Yin janila utz xinben kik'in, jak'a rije' xa xe'ok etzelanel wichin. Man rik'in ri' yin kan jantape' yich'on awik'in.

Wuj Richin ri Rutikeribel 42:22

K'ari' xch'on-apo ri Rubén y xubij chike: Yin xinbij chiwe chi man jun itzel tiben chire ri ala' ri' y man xinimaj ta nutzij y k'a wakami yojtajin rutojik ri rukamik ri qachaq', xcha'.

Wuj Richin ri Josúe 22:23

Wi xqapaba-q'anej re jun porobel re' richin niqaya' kan ri Jehová o richin niqasuj poron chikop pa ruwi' o ri ch'aqa' sipanik richin nuq'alajirisaj chi junan qawech rik'in jun chik dios. Wi keri' xqaben ja ri Jehová ri xtiq'aton-tzij pa qawi'.

Wuj Kichin ri To'onela' 8:35

ni chuqa' kan man jun chik matioxinik xkik'ut ta chikiwech ri e aj pa rachoch kan ri Gedeón ri nibix Jerubaal chire, stape' janila chi utzil xuben kan rik'in ri tinamit Israel.

Wuj Richin Bix Chire ri Dios 9:13

Tabana' utzil Jehová tajoyowaj nuwech yin; tatzu' re q'axo'n re nink'owisaj koma ri ye'etzelan wichin, kan kinakolo' k'a chuwech ri kamik,