2 Crón 24:19 - Kaqchiquel Bible

¹⁹ Man rik'in ri' ri Jehová xeruteq k'a q'alajirisey ri ruch'abel richin xuben chike chi xetzolin ta pe rik'in. Jak'a ri winaqi' man xeniman ta chike ri e q'alajirisey ruch'abel.

2 Crón 24:19 ပူးပေါင်းရင်းမြစ်များ

San Lucas 16:31

Jak'a ri Abraham xubij chire: Wi man nikinimaj ta ri ruch'abel ri Dios ri rutz'iban kan ri Moisés, y ri kitz'iban kan ri q'alajirisanela' ri xek'oje' ojer kan, xa man xtikinimaj ta chuqa' jun ri nik'astej-el chikikojol ri kaminaqi', xcha'.

San Mateo 13:9

Ri k'o rak'axabal, kan trak'axaj k'a ri xinbij, xcha' ri Jesús.

Wuj Richin ri Jeremías 26:5

Chuqa' tinimaj ri kich'abel ri e q'alajirisey nuch'abel ri e nuya'on chi'ikojol, stape' k'a re wakami rix man iniman ta kitzij rije'.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

Wuj Richin ri Isaías 51:4

Kan tiya' ixikin rix nutinamit, kan kiniwak'axaj rix israelita. Yin kan xtinq'alajirisaj ri tijonik, y ri nupixa' kan xtok jun saqil chike ri ch'aqa' chik ruwach'ulew.

Wuj Richin ri Isaías 42:23

¿Achike ta k'a chiwe rix nrajo' nrak'axaj re'? ¿Achike ta k'a chiwe rix ri kan ja yan re wakami nrak'axaj ri nuch'abel?

Wuj Richin ri Isaías 28:23

Kan tiya' k'a jebel ixikin; tiwak'axaj jebel ri xtinbij. Kan tiwak'axaj k'a jebel ri nuch'abel, richin niq'ax chiwech ri xtinbij chiwe.

Wuj Richin ri Nehemías 9:26

Jak'a ri qati't-qamama' xa xeyakatej chawij, y kan man xkitaqej ta k'a ri apixa'. Toq xe'ateq e q'alajirisey ri ach'abel richin xkibij chike chi titzolej-pe kik'u'x awik'in, xa xekikamisaj. Kan janila k'a nima'q taq mak xekibanala' y re' kan xuben chawe richin xmulun ak'u'x.

Wuj Richin ri Zacarías 1:4

Roma ri' rix man tikowirisaj-iwi' achi'el xkikowirisaj-ki' rije' toq xban ch'owen kik'in koma ri e nabey q'alajirisey nuch'abel yin Jehová k'iytisanel richin ronojel. Ri q'alajirisanela' ri' xkibij chi titzolej-pe kik'u'x wik'in, y tikiya' kan ri itzel taq bey y ri itzel taq banobel. Jak'a rije' xa xkiben chi man xq'ax ta chikiwech y man xkak'axaj ta ri xinbij chike.

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

Wuj Richin ri Nehemías 9:30

Man rik'in ri' xe'akoch' k'iy juna'. Y ri Utzilej Espíritu xerukusaj ri e q'alajirisey ri ach'abel, richin chi xubij chike chi titzolej-pe kik'u'x awik'in. Jak'a rije' man xkajo' ta xkak'axaj. Y roma ri' xe'ajech pa kiq'a' ch'aqa' chik winaqi' ri ek'o chikinaqaj.

Wuj Richin ri Jeremías 25:3

Kan ja chupan ri juna' oxlajuj richin ri ruq'atbal-tzij kan ri Josías ruk'ajol ri Amón, k'a chupan re q'ij re', juwineq oxi' yan k'a juna' ri ruchapon-pe ri nich'on ri Jehová wik'in. Yin kan in ch'owineq k'a pe iwik'in, jak'a rix xa man iya'on ta ixikin chire ri nuch'abel.

Wuj Richin ri Jeremías 25:7

Man rik'in ri', ri Jehová nubij chi man xiwak'axaj ta y roma ri' kan xiyek janila royowal, roma kan xe'iya' kiq'ij ch'aqa' chik dios ri xa ja rix ix banayon y re' xaxe richin nuk'en-pe ruk'ayewal pan iwi'.

Wuj Richin ri Jeremías 25:8

Roma ri' ri Jehová ri k'iytisanel richin ronojel kere' nubij: Roma rix man xiwak'axaj ta ri nuch'abel,