2 Crón 24:17 - Kaqchiquel Bible

¹⁷ Chirij k'a ri rukamik ri Joiadá xe'apon ri e tata'al richin ri Judá, y kan xkinimirisaj k'a ruq'ij ri rey, y rija' xa xujel ri ruch'obonik y xa ja chik rije' ri xunimaj kitzij.

2 Crón 24:17 ပူးပေါင်းရင်းမြစ်များ

Deut 31:27

Roma yin kan wetaman chi kan ix jun tinamit ri man yixniman ta tzij y kan janila kow ri iwánima. Wakami xiben ronojel re' chuwech ri Jehová y xa k'a in k'es na iwik'in. ¿Achike ta k'a ri man ta xtiben toq in kamineq chik?

2 Pedro 1:15

Yin kan k'o k'a ri ninwajo' ninben kan, richin keri' stape' yin xa in maneq chik iwik'in, rix kan k'a xtoqaqa na chi'ik'u'x ronojel ri nubin kan chiwe.

Dn 11:32

Rik'in ri bananenri'il xkeruq'ol ri kiq'ajon ruwi' ri rujikibel-tzij ri Dios, jak'a ri awinaq ri kan kuqul kik'u'x rik'in ri Dios, kan kow k'a xkek'oje' y xtikipaba-ki' chuwech.

Wuj Richin Etamabel-Tzij 29:12

Ri tata'al ri kan jebel nunimaj-qa ri tz'ukun taq tzij ri yebix chire; xa yeruyoj ri rusamajela', y nuben chike chi xke'ok tz'ukuy taq tzij.

Wuj Richin Etamabel-Tzij 29:5

Ri wineq ri kan janila nunimirisaj ruq'ij jun rachibil; xa pikbel ri nuya' pa rubey, richin chi nibetzaq.

Wuj Richin Etamabel-Tzij 26:28

Ri wineq ri nitz'ukun-tzij man niqa' ta chuwech ri qitzij, ri wineq ri nubananej chi nich'on rik'in ch'uch'uj taq ch'abel, xa nuk'en-pe wululen.

Wuj Richin Etamabel-Tzij 26:8

Kan man ruk'amon ta chi nixim ri abej ri niya'ox chupan ri ikeq', keri' chuqa' kan man ruk'amon ta chi ninimirisex ruq'ij jun wineq ri xa maneq runa'oj.

Wuj Richin Etamabel-Tzij 20:19

Jun wineq kamuluy-tzij kan man nitikir ta nutz'apej ri ruchi'; man tawachibilaj k'a ri wineq ri'.

2 Crón 24:16

y xkimuq k'a pa rutinamit kan ri rey David. Junan xmuq kik'in ri rey, roma kan janila utz xuben chupan ri ajawaren, y chuqa' janila utz ri xuben chuwech ri Dios y ri rachoch.

2 Crón 24:18

Roma ri' ri winaqi' xkimalij kan ri rachoch ri Jehová ri ki-Dios kan ri kati't-kimama', y xkisamajij k'a ri ruwachibel Asera y ri ch'aqa' chik wachibel. Roma re mak re' ri Dios xpe royowal pa ruwi' ri Judá y ri Jerusalem.

Ez 18:24

Jak'a wi ri choj ruk'aslen nuya' kan ri ruchojmilal y xa nuchop rubanik ri xa man niqa' ta chinuwech yin y xa nuben achi'el ri nikiben ri banoy taq etzelal, ¿nich'ob rix chi nik'ase' k'iy q'ij ri nibanon kere'? Yin kan xtinmestaj k'a ronojel ri utz rubanobal ri rubanon wik'in. Y roma xa man xuben ta chik pa ruchojmilal y xmakun, re wineq k'a re' kan xtiken.

Wuj Kichin ri To'onela' 8:33

K'a man jani k'a k'iy q'ij tiken-el ri Gedeón, ri israelita kan chi'anin k'a xkichop chik jun bey ri itzel taq banobel y xkiya' chik kiq'ij ri jalajoj kiwech dios, y ja ri dios Baal-berit xkicha' richin xok ki-dios.

2 Rey 12:18

Jak'a ri Joás, rey richin Judá xuk'uaj k'a el ronojel ri beyomel ri e jachon chik chire ri Jehová pa rachoch. Y re beyomel re' e kisipan kan ri rey Josafat, ri Joram y ri Ocozías. Xuk'uaj-el chuqa' ri rujachon chik rija' chire ri Jehová. Jak'a ronojel ri q'anapueq ri xkil chupan ri ruyakonabal ri rachoch ri Jehová y pa rachoch rija', xuteq-el chire ri Hazael rey richin Siria, richin man xuben ta chik oyowal rik'in ri tinamit Jerusalem.

San Lucas 11:25

Toq nitzolin chik apo pa ránima ri wineq, nril k'a ri ránima ri wineq ri' achi'el jun jay ri man jun k'o chupan, meson y chojmirisan kan jebel.