2 Crón 24:16 - Kaqchiquel Bible

¹⁶ y xkimuq k'a pa rutinamit kan ri rey David. Junan xmuq kik'in ri rey, roma kan janila utz xuben chupan ri ajawaren, y chuqa' janila utz ri xuben chuwech ri Dios y ri rachoch.

2 Crón 24:16 ပူးပေါင်းရင်းမြစ်များ

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

2 Crón 31:20

Kere' k'a xuben ri Ezequías chupan chijun ri ruwach'ulew Judá. Ronojel ri xuben kan utz, kan choj y kan qitzij chuwech ri Jehová ri ru-Dios.

1 Rey 2:10

Xken k'a ri David y xapon kik'in ri rute-rutata', y xmuq chupan ri rutinamit kan rija'.

Hechos 2:29

Nuwinaq, rix iwetaman chi ri qamama', ri rey David, xken y xmuq. Y ri akuchi muqun-wi, kan k'a k'o na k'a re wakami.

Wuj Richin ri Nehemías 13:14

Y xich'on rik'in ri Dios y xinbij chire: Nu-Dios yin, toqaqa k'a chi'ak'u'x ronojel re xinben y kan tajoyowaj nuwech roma ri xinben pan awachoch y xatinsamajij, xicha'.

1 Sam 2:30

Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.

2 Crón 21:2

Ri ch'aqa' chik e ruk'ajol kan ri Josafat, ri e rach'alal ri Joram, ja ri Azarías, ri Jehiel, ri Zacarías, ri Azarías, ri Micael y ri Sefatías.

2 Crón 21:20

Ri Joram k'o k'a juwineq kablajuj rujuna' toq xuchop xuq'et-tzij pa ruwi' ri ruwach'ulew Judá chiri' pa Jerusalem, y waqxaqi' k'a juna' xuq'et-tzij. Y toq xken, kan man jun k'a xbison richin; xmuq k'a pa rutinamit kan ri rey David, jak'a man xmuq ta chikikojol ri rey.

2 Crón 24:15

Xapon k'a ri q'ij toq ri Joiadá janila xrijix, y xken, y k'o k'a 130 rujuna' toq xken;

2 Crón 24:17

Chirij k'a ri rukamik ri Joiadá xe'apon ri e tata'al richin ri Judá, y kan xkinimirisaj k'a ruq'ij ri rey, y rija' xa xujel ri ruch'obonik y xa ja chik rije' ri xunimaj kitzij.

2 Rey 12:7

K'ari' ri rey Joás xroyoj ri sacerdote Joiadá y ch'aqa' chik sacerdote, y xubij chike: ¿Achike roma man ibanon ta ruchojmil ri ch'aratajineq chire ri rachoch ri Jehová? Wakami k'a, man ja ta chik rix ri yixk'ulun kan ri méro ri nikiya' ri qawinaq richin ri rachoch ri Jehová, roma re méro re' xtik'atzin richin nichojmirisex ri ch'aratajineq chire ri rachoch rija', xcha'.

Marcos 6:29

Toq ri rutijoxela' ri Juan xkak'axaj chi xkamisex, xebe chuk'amik ri ruch'akul, y xbekimuqu' kan.