2 Crón 24:14 - Kaqchiquel Bible

¹⁴ Y toq xk'achoj rubanik, xkik'uaj-el chire ri rey y chire ri Joiadá, ri méro ri man xk'is ta. Rije' xekichilabej samajibel ri yek'atzin pa rachoch ri Jehová: samajibel richin ri kamelabel ri yeporox, ri pajbel y ri ch'aqa' chik samajibel. Ronojel re' e banon rik'in q'anapueq y saqipueq. Rokik k'a k'es na ri Joiadá kan beneq ruwech xesuj ri kamelabel ri niporox chijun chiri' pa rachoch ri Jehová.

2 Crón 24:14 ပူးပေါင်းရင်းမြစ်များ

Wuj Richin Etamabel-Tzij 27:22

Jun wineq ri xa maneq runa'oj, stape' kan niq'ututex, man nichojmir ta.

Ex 36:5

y xbekibij chire: Ri sipanik ri nikik'en-pe ri winaqi', kan xq'ax yan ruwi' chire ri nik'atzin chire ronojel ri samaj ri xubij ri Jehová chi k'o chi niban, xecha'.

2 Crón 24:13

Konojel re samajela' re' kan chi'anin k'a xkiben ri kisamaj. Y kan xkiben k'a chire achi'el ri retal ri k'o kan, y kan utz rubanik xkiben chire.

2 Crón 24:15

Xapon k'a ri q'ij toq ri Joiadá janila xrijix, y xken, y k'o k'a 130 rujuna' toq xken;

2 Rey 25:12

Jak'a ri Nebuzaradán k'a xeruya' na kan jujun winaqi' aj chiri' ri man jun ok k'o kik'in, richin chi ja rije' ri yesamajin ri ulew ri tikon uva chuwech y nikisamajij ch'aqa' chik ulew.

2 Rey 25:15

Ri aj-raqen kichin ri chajinela' richin ri Nabucodonosor xuk'uaj-el ri porobel-pom y ri k'ojelibel ri e banon rik'in q'anapueq y saqipueq.

1 Crón 23:31

y chuqa' toq niporox ri chikop chuwech ri Dios chupan ri q'ij richin uxlanenri'il, richin ri nimaq'ij toq nalex ri k'ak'a' ik' y ri ch'aqa' chik nimaq'ij. Ri e levita kan k'o chi nikisamajij ri Dios rik'in ch'ajch'ojil achi'el ri bin chike.

2 Crón 2:3

Ri pa ruwach'ulew Tiro, k'o k'a jun rey rubini'an Hiram. Y ri Salomón k'o k'a ri xuteq rubixik chire, y kere' k'a xubij-el chire: Tabana' wik'in yin achi'el xaben rik'in ri David ri nata' toq xateq-pe k'iy tiox-che' chire richin xupaba-q'anej ri rachoch rija'.

2 Crón 31:2

K'ari' ri Ezequías xuch'arala' k'a ri samaj chikiwech ri e sacerdote y ri e levita: Ri rusujik ri chikop ri niporox chijun ri pa taq nimaq'a' y ri tiqaq'ij, ri sipanik ri niq'alajirisan chi ri winaqi' junan kiwech rik'in ri Dios, ri matioxinik y ri bix ri yebixex chuchi' ri rachoch.