2 Crón 24:13 - Kaqchiquel Bible

¹³ Konojel re samajela' re' kan chi'anin k'a xkiben ri kisamaj. Y kan xkiben k'a chire achi'el ri retal ri k'o kan, y kan utz rubanik xkiben chire.

2 Crón 24:13 ပူးပေါင်းရင်းမြစ်များ

Wuj Richin ri Hageo 2:3

¿K'o kami jun chiwe rix ri xk'oje' wawe' ojer kan, ri tz'eteyon ta re jay re' y ri jebelej rubanik pa rutikeribel? Y ¿achike k'a rubanon ri nitz'et wakami? ¿Man nuk'en ta pe q'axo'n pan iwánima roma la rubanon?

Wuj Richin ri Nehemías 4:7

Jak'a toq ri Sambalat, ri Tobías, ri achi'a' aj-Arabia, ri aj-Amón y ri aj-Asdod xkak'axaj chi ri tz'aq xa xechojmirisex yan, y chuqa' ronojel ruchi' ri tinamit nitz'apetej yan, jari' toq xyakatej janila koyowal.

1 Crón 22:5

Ri David xuben ronojel re' roma xuch'ob chi ri Salomón ri ruk'ajol man jani k'o retamabal richin nupaba-q'anej ri rachoch ri Jehová akuchi niya'ox-wi ruq'ij-ruk'ojlen, roma ri jay ri' k'o chi niban janila nim chire y kan xtel k'a rutzijol chuwech chijun ruwach'ulew chi kan jebel ok rubanik. Y roma ri' ri David xeruchojmirisala' k'a kan pa ruk'iyal ronojel ri nik'atzin chire ri rachoch ri Dios.

2 Crón 24:12

K'ari' ri rey y ri Joiadá nikijech k'a ri méro ri' chike ri aj-raqen kichin ri yesamajin ri rachoch ri Jehová richin xekanox samajela' ri e choyoy abej y ri ajanela', chuqa' ri yesamej rik'in q'eqapueq y rik'in q'enq'oj-pueq richin nikichojmirisaj ri rachoch ri Jehová.

2 Crón 24:14

Y toq xk'achoj rubanik, xkik'uaj-el chire ri rey y chire ri Joiadá, ri méro ri man xk'is ta. Rije' xekichilabej samajibel ri yek'atzin pa rachoch ri Jehová: samajibel richin ri kamelabel ri yeporox, ri pajbel y ri ch'aqa' chik samajibel. Ronojel re' e banon rik'in q'anapueq y saqipueq. Rokik k'a k'es na ri Joiadá kan beneq ruwech xesuj ri kamelabel ri niporox chijun chiri' pa rachoch ri Jehová.

Ex 36:4

Xeri' ri achi'a' ri yetajin chubanik ri rachoch ri Dios, xkiyala' kan ri kisamaj, richin xebe rik'in ri Moisés,