2 Crón 24:12 - Kaqchiquel Bible

¹² K'ari' ri rey y ri Joiadá nikijech k'a ri méro ri' chike ri aj-raqen kichin ri yesamajin ri rachoch ri Jehová richin xekanox samajela' ri e choyoy abej y ri ajanela', chuqa' ri yesamej rik'in q'eqapueq y rik'in q'enq'oj-pueq richin nikichojmirisaj ri rachoch ri Jehová.

2 Crón 24:12 ပူးပေါင်းရင်းမြစ်များ

1 Rey 5:15

Pa ruwi' re' ri rey Salomón xuteq koyoxik chuqa' e 70,000 rusamajela' ri ye'uk'uan ejqa'n, y e 80,000 achi'a' ri yechoyon abej y nikiben rutzil chiri' chuwi' taq juyu'.

2 Sam 5:11

Ri chiri' pa tinamit Tiro k'o k'a jun rey rubini'an Hiram. Y rija' xeruteq k'a uk'uey rutzijol rik'in ri David. Ri achi'a' ri' kik'uan k'a el tiox-che', y e kachibilan-el ajanela' y achi'a' ri yesamajin abej richin nikipaba-q'anej ri rachoch ri David.

2 Crón 24:11

Ronojel k'a mul toq ri e levita nikik'uaj-el ri káxa kik'in ri samajela' richin ri rey, kan jantape' nojineq. Y toq nikitz'et chi k'o chik janila méro, jari' toq ri tz'ibanel richin ri rey y jun chik samajel ri kanon roma ri Joiadá nikijem kan ri káxa. K'ari' nibekiya' chik kan jun bey pa ruk'ojelibal. Keri' k'a nikiben ronojel q'ij, y kan janila k'a k'iy méro nikimol.

2 Crón 24:13

Konojel re samajela' re' kan chi'anin k'a xkiben ri kisamaj. Y kan xkiben k'a chire achi'el ri retal ri k'o kan, y kan utz rubanik xkiben chire.

2 Crón 24:27

Ri kibanobal ri ralk'ual ri Joás, ri ronojel ri bin-pe pa ruwi' rija' y ri samaj ri xuben toq xuchojmirisaj ri rachoch ri Jehová; ronojel re' xtz'ibatej kan chupan ri Wuj Kichin ri Rey. Y toq xken ri Joás, ri xk'oje' kan pa ruk'exel ja ri Amasías ri ruk'ajol.

2 Crón 34:8

Chupan k'a ri waqxaqlajuj juna' chire ri q'atbel-tzij richin ri Josías, toq xuch'ajch'ojirisaj yan ri ruwach'ulew y ri rachoch ri Jehová, jari' toq xeruteq-el ri Safán ruk'ajol ri Asalías, ri Amasías ri aj-raqen pa ruwi' ri tinamit Jerusalem, y ri aj-tz'ib rubini'an Joah ruk'ajol ri Joacaz, richin tibekichojmirisaj ri rachoch ri Jehová ri Dios.