2 Crón 24:10 - Kaqchiquel Bible

¹⁰ Toq xkak'axaj k'a ronojel re', konojel aj-raqen kichin ri tinamit y konojel ri winaqi' xebe k'a rik'in janila kikoten chuya'ik ri kikuchuj chupan ri káxa y kan chi'anin k'a xnoj ri káxa ri'.

2 Crón 24:10 ပူးပေါင်းရင်းမြစ်များ

2 Corintios 9:7

Roma ri' chi'ijujunal rix tiya' k'a achi'el ri xubij ri iwánima chiwe. Man k'a tiya' rik'in bis, ni man tiya' chuqa' xaxe roma xk'utux chiwe. Xa kan rik'in kikoten tiya' ri to'onik, roma ri Dios kan yerajo' ri yeya'on rik'in ronojel kánima.

2 Corintios 8:2

Roma rije' stape' nikik'owisaj tijoj-poqonal, kan xekito-el ri qach'alal ri ek'o pa Jerusalem. Stape' man k'iy ta ok k'o kik'in, kan xekito-el rik'in ri janipe' xetikir xkiya'. Y re' kan xkiya' k'a rik'in kikoten pa taq kánima.

1 Crón 29:9

Ri winaqi' richin ri tinamit janila xekikot roma rik'in ronojel kánima xkiya-apo ronojel re' chire ri Jehová. Chuqa' ri rey David janila xkikot.

Wuj Richin ri Isaías 64:5

Rat kan ye'ak'ul chi utzil ri kan rik'in kikoten nikiben ri ruchojmilal, y ri noqaqa chikik'u'x ri bey ri ak'utun kan rat chikiwech. Rat kan janila awoyowal roma xojmakun roj; kan ojer chik ri' qaya'on q'axo'n chawe.

2 Crón 24:9

K'ari' xkiya' rutzijol chupan chijun rajawaren y pa Jerusalem chi k'atzinel nikik'uaj-el pa rachoch ri Jehová ri kuchuj, achi'el ri xubij ri Moisés, rusamajel ri Dios, chike ri winaqi' israelita pa tz'iran ruwach'ulew.

2 Crón 24:11

Ronojel k'a mul toq ri e levita nikik'uaj-el ri káxa kik'in ri samajela' richin ri rey, kan jantape' nojineq. Y toq nikitz'et chi k'o chik janila méro, jari' toq ri tz'ibanel richin ri rey y jun chik samajel ri kanon roma ri Joiadá nikijem kan ri káxa. K'ari' nibekiya' chik kan jun bey pa ruk'ojelibal. Keri' k'a nikiben ronojel q'ij, y kan janila k'a k'iy méro nikimol.