2 Crón 23:3 - Kaqchiquel Bible

³ Ri janila chi winaqi' ri xe'apon, xkimol-ki' chiri' pa rachoch ri Jehová, richin xkijikiba' kitzij rik'in ri Joás ri ruk'ajol kan ri rey. Jari' toq ri Joiadá xubij chike: Jare' k'a ri ruk'ajol kan ri rey, y ja rija' k'a xtibeq'aton-tzij pa qawi' achi'el ri rubin kan ri Jehová pa kiwi' ri e rijatzul kan ri David.

2 Crón 23:3 ပူးပေါင်းရင်းမြစ်များ

2 Crón 21:7

Man rik'in ri', ri Jehová man xrajo' ta xeruk'is ri e rijatzul ri David, roma ri jikibel-tzij ri rubanon rik'in; y rubin chi ri rusaqil ri David man xtichup ta qa kik'in ri ralk'ual chupan ri q'atbel-tzij richin jantape'.

2 Crón 6:16

Wakami k'a Jehová ri at qa-Dios, kan tabana' k'a ri xasuj chire ri David ri asamajel, toq xabij chire chi man jun bey xtitole' kan ri rutz'uyubal richin ri q'atbel-tzij roma maneq jun rijatzul ri xtibiyin ta achi'el ri xuben rija'.

2 Sam 7:12

Y toq xkaken, yin xtinkusaj kan pan ak'exel jun chike ri ak'ajol. Y kan xtinjikiba' ri ruq'atbal-tzij rija'.

2 Crón 7:18

yin xtinjikiba' ri aq'atbel-tzij pa ruwi' ri ruwach'ulew Israel richin q'asen achi'el ri xinbij chire ri David ri atata'. Wi keri' kan beneq k'a ruwech xtik'oje' jun chike ri awijatzul chupan ri q'atbel-tzij richin Israel.

2 Rey 11:17

K'ari' ri sacerdote Joiadá xuben jun jikibel-tzij chuwech ri Jehová, y chuwech ri rey y ri winaqi' richin ri tinamit, richin chi rije' nikitzeqelibej ri Jehová. Chuqa' xuben chi ri rey y ri tinamit xjunamatej-kiwech.

1 Rey 2:4

roma ri Jehová kan rujikiban rutzij chinuwech y rubin chi wi ri walk'ual xtikitaqej ri rubey rija', y wi kan qitzij chi xtikitzeqelibej rija' rik'in ronojel kánima y ronojel kik'u'x; wi keri', kan jantape' k'a xtik'oje' jun wijatzul chupan ri tz'uyubel richin q'atoy-tzij.

Wuj Richin Bix Chire ri Dios 89:36

Ri rijatzul kan xtiq'aton-tzij richin q'asen. Ri rajawaren kan xtiyaloj k'a achi'el ri q'ij;

Wuj Richin Bix Chire ri Dios 89:29

Jantape' xtik'oje' jun rijatzul chupan ri rajawaren. Y ri rajawaren kan xtinjikiba' pa ruq'a' tibe-q'ij tibe-seq.

2 Crón 23:16

K'ari' ri Joiadá xuben chi konojel ri winaqi' junan rik'in ri rey tikijikiba-kitzij chi kan xke'ok rutinamit ri Jehová.

1 Crón 11:3

Toq konojel k'a ri achi'a' ri k'o kiq'ij richin ri tinamit Israel xebe y xech'on rik'in ri David pan Hebrón, jari' toq rija' kan xuben jun jikibel-tzij kik'in, y kan chuwech ri Dios xuben-wi. K'ari' rije' xkiqasaj aceite pa ruwi' ri David richin xok kan rey pa ruwi' ri Israel, achi'el ri ch'abel ri rubin kan ri Dios chire ri Samuel.

1 Rey 9:5

yin xtinjikiba' ri aq'atbel-tzij pa ruwi' ri ruwach'ulew Israel richin q'asen achi'el ri xinbij chire ri David ri atata'. Wi keri' kan beneq k'a ruwech xtik'oje' jun chike ri awijatzul chupan ri q'atbel-tzij richin Israel.

2 Sam 7:16

Ri awijatzul y ri aq'atbal-tzij kan xtijike' k'a richin q'asen, xcha' ri Dios.

2 Sam 5:3

Chuqa' xepe k'a konojel ri aj-raqen richin ri Israel rik'in ri David pan Hebrón. Y ri David xujikiba' k'a rutzij chuwech ri Jehová y chikiwech rije'. Y xkiqasaj k'a aceite pa ruwi' richin xok kan rey richin chijun Israel.