2 Crón 22:6 - Kaqchiquel Bible

⁶ Y xtzolin k'a pe richin xraq'omaj-el-ri' pa tinamit Jezreel roma xsokotej-pe pa Ramot toq xkiben oyowal kik'in ri aj-Siria. Y toq q'axineq chik ka'i-oxi' q'ij, ri Ocozías xberutz'eta-el ri Joram chiri' pa Jezreel, rokik nraq'omaj ri'.

2 Crón 22:6 ပူးပေါင်းရင်းမြစ်များ

2 Rey 9:15

Jak'a ri Joram xa xtzolin pa Jezreel, richin xberaq'omaj-ri' chire ri sokotajik ri xkiben chire toq xkiben oyowal kik'in ri aj-Siria. Y ri Jehú xubij k'a chike ri rachibil ri ek'o chiri' pa Ramot: Wi rix kan keri' niwajo', man jun k'a tel-el chupan re tinamit, richin niberuya' rutzijol pa Jezreel, xcha'.

2 Crón 22:7

Ri Dios xuben chire ri Ocozías chi nibeken toq xtiberuq'ejela-el ri Joram. Toq ri Ocozías xapon rik'in ri Joram, kan jari' k'a xe'el-el richin nibekibana' oyowal rik'in ri Jehú, ruk'ajol ri Nimsí. Jak'a ri Jehová kan rucha'on ri Jehú richin yeruk'is konojel ri e ralk'ual y ri rixjayil ri Acab.

2 Crón 22:1

Ri winaqi' aj-Jerusalem xkikusaj kan rey ri Ocozías ri más chaq'laxel, roma ri e nimalaxela' xa xekamisex koma jun tzobaj e itzel taq achi'a' ri junan e peteneq kik'in ri aj-Arabia.

2 Crón 21:17

Y xe'ok-apo pa Judá y xekik'uaj-el ronojel ri k'o rejqalen ri e ya'on kan chupan ri jay akuchi nuq'et-wi-tzij ri rey. Chuqa' xe'uk'uex-el ri ralk'ual y ri e rixjayil; xaxe chik ri Ocozías ri más ko'ol ri chuqa' rubini'an Joacaz, ri xkolotej kan.

2 Rey 8:29

Chirij ri' xtzolin pa tinamit Jezreel richin xberaq'omaj ri' chire ri sokotajik ri xkiben-el ri aj-Siria chire, ri chiri' pa Ramot. Y ri Ocozías xbe chuqa' pa Jezreel rik'in ri Joram richin xberuq'ejela' kan.

Wuj Richin ri Josúe 15:56

Jezreel, Jocdeam, Zanóah,

2 Crón 22:5

Ri Ocozías kan xunimaj ri xkibij chire y xrachibilaj-el ri Joram, ruk'ajol kan ri Acab, rey richin Israel, richin xbekibana' oyowal pa ruwi' ri Ramot richin Galaad rik'in ri Hazael rey richin Siria. Y ri aj-Siria xkisok-pe ri Joram.