2 Crón 22:1 - Kaqchiquel Bible

¹ Ri winaqi' aj-Jerusalem xkikusaj kan rey ri Ocozías ri más chaq'laxel, roma ri e nimalaxela' xa xekamisex koma jun tzobaj e itzel taq achi'a' ri junan e peteneq kik'in ri aj-Arabia.

2 Crón 22:1 ပူးပေါင်းရင်းမြစ်များ

2 Crón 36:1

Chirij ri' ri winaqi' richin ri Judá xbekik'ama-pe ri Joacaz, ruk'ajol kan ri Josías richin xkiya' kan rey chiri' pa Jerusalem pa ruk'exel ri rutata'.

2 Crón 33:25

Jak'a konojel ri winaqi' richin ri ruwach'ulew ri' xa xekikamisaj ri e tata'al ri xekamisan richin ri rey Amón. Chirij ri' xkikusaj kan rey ri Josías, ri ruk'ajol ri Amón, pa ruk'exel rija'.

2 Crón 26:1

K'ari' ri winaqi' ri e richin ri Judá xkikusaj kan rey pa ruk'exel ri Amasías jun chike ri ruk'ajol, ri rubini'an Uzías,*f13* y k'o k'a waqlajuj rujuna' toq xok kan rey.

2 Crón 23:3

Ri janila chi winaqi' ri xe'apon, xkimol-ki' chiri' pa rachoch ri Jehová, richin xkijikiba' kitzij rik'in ri Joás ri ruk'ajol kan ri rey. Jari' toq ri Joiadá xubij chike: Jare' k'a ri ruk'ajol kan ri rey, y ja rija' k'a xtibeq'aton-tzij pa qawi' achi'el ri rubin kan ri Jehová pa kiwi' ri e rijatzul kan ri David.

2 Crón 22:2

Ri Ocozías k'o k'a juwineq ka'i' rujuna' toq xuchop nuq'et-tzij pa Jerusalem, y xaxe ok jun juna' ri xuq'et-tzij. Ri rute' rubini'an Atalía rijatzul kan ri Omrí.

2 Crón 25:23

Y ri Joás, rey richin Israel, xuchop k'a ri Amasías, rey richin Judá, chiri' pa Bet-semes; k'ari' xuk'uaj-el pa Jerusalem, y xuwulaj k'a el 108 jaj chire ri tz'aq, nitiker-el akuchi niban-wi oken ri rubini'an Efraín y napon k'a rik'in ri jun chik ruchi' ri k'o akuchi nusutij-el ri' ri tz'aq.

2 Rey 8:16

Toq ri Joram ruk'ajol ri Acab k'a k'es na, y chupan ri ro' juna' richin ri ruq'atbal-tzij pa ruwi' ri ruwach'ulew Israel, jari' toq xok kan rey ri Joram ruk'ajol ri Josafat rey richin Judá ri chiri' pa Jerusalem, y ri Josafat kan k'a k'es na.

2 Rey 9:1

Rokik ri Joram nraq'omaj-ri', ri Eliseo q'alajirisey ruch'abel ri Dios xroyoj jun chike ri rutijoxel, q'alajirisey ruch'abel ri Dios, y xubij chire: Tabana' achojmil richin yabe pa tinamit Ramot richin Galaad, y tak'uaj-el jun ti bojo'y nojineq chi aceite.

2 Rey 10:13

Y chiri' xuk'ul-ri' kik'in jun tzobaj achi'a', y xuk'utuj chike e achike k'a rije'. Y rije' xkibij: Roj oj rach'alal ri Ocozías rey richin Judá, y wakami oj peteneq richin ye'oqaq'ejela' kan ri e ralk'ual ri rey Joram, y ri e ral ri Jezabel, xecha'.