2 Crón 21:6 - Kaqchiquel Bible

⁶ Jak'a rija' xa xuben achi'el ri kibanobal ri rey e richin ri ruwach'ulew Israel ri k'o pa xaman. Kan xuben k'a achi'el ri itzel taq kibanobal ri e aj pa rachoch kan ri Acab, y ri rixjayil ri Joram, ja ri rumi'al ri Acab, y roma ri' kan janila xmakun chuwech ri Jehová.

2 Crón 21:6 ပူးပေါင်းရင်းမြစ်များ

2 Crón 18:1

Toq ri Josafat k'o chik pa ruk'iyal ri rubeyomel y kan k'o chik ruq'ij, jari' toq xok rachjinan ri Acab, rey richin Israel.

2 Rey 8:18

Ri Joram xa rik'in k'a jun rijatzul ri Acab ri xk'ule-wi, y roma ri' kan xuben achi'el ri kibanobal ri Acab y ri e aj pa rachoch, y chuqa' achi'el ri kibanobal ri ch'aqa' chik rey richin ri ruwach'ulew Israel. Y ronojel k'a ri rubanobal kan man xqa' ta chuwech ri Jehová.

2 Crón 22:2

Ri Ocozías k'o k'a juwineq ka'i' rujuna' toq xuchop nuq'et-tzij pa Jerusalem, y xaxe ok jun juna' ri xuq'et-tzij. Ri rute' rubini'an Atalía rijatzul kan ri Omrí.

2 Crón 21:13

Xa ja ri itzel taq kibanobal ri rey e richin Israel, ri ek'o pa xaman, ri xatzeqelibej; y ja rat xabanon chi ri winaqi' richin ri Judá y ri Jerusalem xkich'er kan ki' chire ri ruchojmilal ri nuya'on yin. Xa kan xaben chi xkiben achi'el ri itzel taq kibanobal ri aj pa rachoch kan ri Acab. Y pa ruwi' ri', chuqa' xe'akamisaj ri awach'alal ri xa kan más e utz chawech rat.

2 Crón 20:35

Chirij ronojel re banobel re', ri Josafat rey richin Judá xjunamatej-ruwech rik'in ri Ocozías, rey richin Israel, ri kan itzel rubanobal chuwech ri Dios.

2 Crón 28:2

Xa kan xuben achi'el xkiben ri rey richin Israel ri ek'o pa xaman; kan xeruben k'a wachibel kichin ri Baal, ri banon rik'in q'eqapueq ya'erisan pa q'aq'.