2 Crón 21:16 - Kaqchiquel Bible

¹⁶ K'ari' ri Jehová xuben chike ri winaqi' aj-Filistea y ri winaqi' e árabe, ri ek'o-apo chikinaqaj ri aj-Cus chi xkiben oyowal rik'in ri Joram.

2 Crón 21:16 ပူးပေါင်းရင်းမြစ်များ

2 Crón 17:11

Ek'o k'a chike ri aj-Filistea xkiya' sipanik chire ri Josafat, y k'iy saqipueq k'o chi nikitoj chire, y ri aj-Arabia xkiya' k'a e 7,700 achija' karne'l y chuqa' e 7,700 achija' tzuntzun.

2 Crón 33:11

Y roma ri' ri Jehová xeruk'en-pe aj-raqen kichin ri aj-labal aj-Asiria chikij. Xkixim k'a el ri Manasés rik'in cadena ri banon rik'in q'enq'oj-pueq, y k'ari' xkik'uaj-el pa Babilonia.

2 Crón 22:1

Ri winaqi' aj-Jerusalem xkikusaj kan rey ri Ocozías ri más chaq'laxel, roma ri e nimalaxela' xa xekamisex koma jun tzobaj e itzel taq achi'a' ri junan e peteneq kik'in ri aj-Arabia.

1 Rey 11:23

Y k'o k'a jun achin rubini'an Rezón, ruk'ajol ri Eliadá. Y ri Eliadá animajineq-el chuwech ri rajaw ri rubini'an Hadad-ézer, rey richin ri ruwach'ulew Sobá. Ri Dios kan xuben k'a chire ri Rezón chi chuqa' xok etzelanel richin ri Salomón,

1 Rey 11:14

K'ari' ri Jehová xuben richin xbek'ulun-pe jun etzelanel richin ri rey Salomón, y ri etzelanel richin rubini'an Hadad, rija' ruk'ajol ri rey richin ri ruwach'ulew Edom.

Am 3:6

Wi ri trompeta nixupux pa tinamit retal richin labal, konojel ri winaqi' kan nisach kik'u'x. Wi k'o jun nik'uluwachitej chupan ri tinamit, kan ja yin Jehová ri yiya'on q'ij chi keri' nibanatej.

Wuj Richin ri Esdras 1:5

K'ari' xeyakatej-q'anej konojel ri aj-raqen kichin ri tzobaj ri Judá y ri Benjamín, y chuqa' ri e sacerdote y ri ch'aqa' chik levita. Kan konojel k'a rije', ri Jehová xuben chike richin xusiloj ri kánima richin xkipaba' chik q'anej ri rachoch rija', ri k'o pa Jerusalem.

Wuj Richin ri Esdras 1:1

Chupan ri ruwach'ulew Persia, k'o k'a jun rey rubini'an Ciro. Chupan ri nabey juna' chire ri ruq'atbal-tzij, ri Jehová xusiloj ri ránima richin xuteq wuj chupan ronojel ri ruwach'ulew ri k'o pa ruq'a'. Ronojel re' xuben richin xbanatej achi'el xubij ri Jehová chire ri Jeremías toq k'a k'es na. Ri Ciro xerutaqala' wuj ri chiri', y kere' xubij:

2 Crón 26:7

Ri Dios kan xuto' pa kiq'a' ri aj-Filistea, ri aj-Arabia ri ek'o pa ruwach'ulew Gur-baal y pa kiq'a' ri meunita.

1 Rey 11:11

Roma ri' ri Jehová xubij chire: Roma kere' ri abanobal y xaxolq'otij ri jikibel-tzij, y man xataqej ta ri xinbij chawe, wakami k'a kan xtinwelesaj chawe ri q'atbel-tzij y ninya' chire jun asamajel.

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

1 Sam 26:19

Wakami k'a wajaw tabana' utzil tawak'axaj k'a ri nuch'abel yin, ri asamajel. Wi ja ri Jehová xbin chawe richin yayakatej chuwij, rik'in juba' rija' xtuk'ul ta jun sipanik chiqawech ri xtiqasuj chire. Jak'a wi ja ri achi'a' ri xetaqchi'in awichin, ri Jehová xtuben chi xtiqaqa itzel pa kiwi', roma kan xinkelesaj-pe richin chi yin man yinichinan ta kik'in chupan ri qaruwach'ulew. Rije' chuqa' xkibij chi yin xkensamajij ch'aqa' chik dios.

Joel 3:5

Roma rix kan xiweleq'aj-el ri nusaqipuaq, ri nuq'anapuaq y ronojel ruwech beyomel ri kan e jebejoj ok richin xe'ik'uaj pa kachoch ri i-dios.

Am 1:6

Kere' nubij ri Jehová pa kiwi' ri aj-Filistea: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom.