2 Crón 21:13 - Kaqchiquel Bible

¹³ Xa ja ri itzel taq kibanobal ri rey e richin Israel, ri ek'o pa xaman, ri xatzeqelibej; y ja rat xabanon chi ri winaqi' richin ri Judá y ri Jerusalem xkich'er kan ki' chire ri ruchojmilal ri nuya'on yin. Xa kan xaben chi xkiben achi'el ri itzel taq kibanobal ri aj pa rachoch kan ri Acab. Y pa ruwi' ri', chuqa' xe'akamisaj ri awach'alal ri xa kan más e utz chawech rat.

2 Crón 21:13 ပူးပေါင်းရင်းမြစ်များ

1 Rey 16:25

Jak'a ri Omrí xa kan itzel k'a ri rubanobal chuwech ri Jehová, y ja rija' ri más xmakun chikiwech ri rey ri xek'oje' nabey chuwech rija'.

2 Rey 9:22

Y toq ri Joram xapon rik'in ri Jehú, xuk'utuj chire wi k'o uxlanibel-k'u'x o ni. Y ri Jehú xubij: ¡Achi'el ta k'a chi xtik'oje' uxlanibel-k'u'x, rokik ri ate' Jezabel xa k'a nuya' na kiq'ij ri ch'aqa' chik dios, y chuqa' k'a najin rik'in ri mak richin itz!, xcha'.

2 Crón 21:11

Pa ruwi' ri' xa xeruben chik el ri akuchi niya'ox-wi kiq'ij ri wachibel chiri' pa taq juyu' richin Judá. Ja rija' ri xtzaqon chik kan kichin ri aj-Jerusalem y ri ch'aqa' chik winaqi' ri ek'o pa rajawaren, y chuqa' xuben chike chi xkich'er kan ki' chire ri ruchojmilal.

2 Crón 21:14

Roma ri' yin Jehová ninbenya' jun nimalej ruk'ayewal pa ruwi' ri atinamit, pa kiwi' ri awalk'ual, ri awixjayilal y pa kiwi' konojel ri ek'o awik'in.

2 Crón 21:4

Y toq ri Joram jebel chik ch'okol kan chupan ruq'atbal-tzij, jari' toq xerukamisaj konojel rach'alal chi espada, y chuqa' xerukamisaj ka'i-oxi' tata'al chikikojol ri aj-Judá.

2 Crón 21:6

Jak'a rija' xa xuben achi'el ri kibanobal ri rey e richin ri ruwach'ulew Israel ri k'o pa xaman. Kan xuben k'a achi'el ri itzel taq kibanobal ri e aj pa rachoch kan ri Acab, y ri rixjayil ri Joram, ja ri rumi'al ri Acab, y roma ri' kan janila xmakun chuwech ri Jehová.

2 Crón 24:18

Roma ri' ri winaqi' xkimalij kan ri rachoch ri Jehová ri ki-Dios kan ri kati't-kimama', y xkisamajij k'a ri ruwachibel Asera y ri ch'aqa' chik wachibel. Roma re mak re' ri Dios xpe royowal pa ruwi' ri Judá y ri Jerusalem.

Ex 34:15

Kan man titun-iwi' kik'in ri winaqi' ri ek'o chupan ri ruwach'ulew ri akuchi xkixapon-wi. Roma ri q'ij toq rije' xtikiya' ruq'ij ri ki-dios y xtikisuj kamelabel chuwech, jari' toq xkixkoyoj. Y rix kan xkixbe k'a, roma man xkixtikir ta xtibij chike chi man yixbe ta. Y keri', rix xtibetija' ri xa xkisuj yan chuwech ri ki-dios.

Wuj Richin ri Isaías 26:21

Roma ri Jehová kan xtel-pe chiri' ri akuchi k'o-wi, richin chi nuya' ri ruk'ayewal pa kiwi' ri winaqi', roma ri kimak ri xkiben chuwech rija'. Y ri ruwach'ulew kan man xtrewaj ta chik jun kamik, jak'a xa kan xtuk'ut ronojel kamik ri e banon chuwech rija'.

Wuj Richin ri Habacuc 2:12

Kan toq'ex awech rat ri kan k'o chi naben na kamik richin napaba' jun tinamit, ri kan chupan k'a ri mak nayek-q'anej.

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

1 Juan 3:12

Man tiqaben achi'el xuben ri Caín ojer kan. Rija' kan richin-wi ri Itzel-Wineq y kan xukamisaj ri Abel ri ruchaq'. ¿Y achike k'a roma xukamisaj? Roma ri rubanobal kan e itzel jak'a ri rubanobal ri Abel kan e choj.