2 Crón 21:11 - Kaqchiquel Bible

¹¹ Pa ruwi' ri' xa xeruben chik el ri akuchi niya'ox-wi kiq'ij ri wachibel chiri' pa taq juyu' richin Judá. Ja rija' ri xtzaqon chik kan kichin ri aj-Jerusalem y ri ch'aqa' chik winaqi' ri ek'o pa rajawaren, y chuqa' xuben chike chi xkich'er kan ki' chire ri ruchojmilal.

2 Crón 21:11 ပူးပေါင်းရင်းမြစ်များ

Wuj Richin ri Chojmirisabelri'il 20:5

yin kan xkiyakatej k'a chirij rija', chikij ri aj pa rachoch y chuqa' chikij ri e rachibil ri nikiya' ruq'ij ri dios Moloc, y kan xkenwelesaj k'a el chuwech re ruwach'ulew.

1 Rey 11:7

Y jari' toq ri rey Salomón xuteq k'a rupabaxik ri akuchi niya'ox-wi ruq'ij ri itzel ruwachibel Quemós ri dios kichin ri aj-Moab, ri chiri' pa ruwi' jun juyu' ri k'o pa relebel-q'ij ri chiri' pa Jerusalem, y chuqa' xuteq rupabaxik ri akuchi niya'ox-wi ruq'ij ri itzel ruwachibel Moloc ri dios kichin ri amonita.

Wuj Richin ri Chojmirisabelri'il 17:7

Y man jun bey chik tisuj kamelabel chikiwech itzel taq espíritu ri iya'on kiq'ij ri xa koma rije' xixtzaq. Re' kan jun k'a pixa' chiwe rix tibe-q'ij tibe-seq.

Wuj Richin ri Habacuc 2:15

Kan toq'ex awech rat ri kan naben chike ri winaqi' ri ek'o chunaqaj ri aruwach'ulew, chi tikiqumu' k'iy vino, richin chi rije' yeq'aber y yekiben banobel ri kan nuk'en-pe k'ixbilal.

Dn 3:15

Y xubij chik k'a jun bey chike, chi toq xtikak'axaj ri ruch'abel ri q'ojom kan k'o chi yexuke' chuwech ri wachibel, roma wi man xkexuke' ta, kan ja yan ri' xkek'aq pa q'aq' richin yek'at. Y kan man jun k'a dios ri xkekolon pa ruq'a' ri rey.

Ez 20:28

Yin xenkusaj chupan ri ruwach'ulew ri xinya' chike, jak'a rije' toq xkitz'et jun juyu' o jun che' jebel ruxaq, kan chiri' k'a xkisuj-wi ri kikamelabal, chiri' k'a xkiya-wi ri kisipanik, chiri' k'a xkisuj-wi ri jebelej pom y chuqa' xkitix ri sipanik richin vino chikiwech ri wachibel. Y ronojel re' xa kan xuben chuwe richin xuyek janila woyowal.

Wuj Richin Bix Chire ri Dios 106:39

Rik'in ri banobel ri' xe'ok man e ch'ajch'oj ta ri israelita. Kan achi'el k'a jun ixoq itzel ruk'aslen, keri' xkiben rije' kik'in ri dios ri'.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

2 Crón 33:9

Jak'a ri Manasés xa xeruyuqej ri ruwinaq chubanik ri etzelal. Y kan xik'o chik k'a ruwi' ri etzelal ri xkiben rije' chikiwech ri ch'aqa' chik winaqi' ri xek'oje' chiri' ojer kan, ri xeruk'is kan ri Jehová chikiwech ri israelita.

2 Crón 21:13

Xa ja ri itzel taq kibanobal ri rey e richin Israel, ri ek'o pa xaman, ri xatzeqelibej; y ja rat xabanon chi ri winaqi' richin ri Judá y ri Jerusalem xkich'er kan ki' chire ri ruchojmilal ri nuya'on yin. Xa kan xaben chi xkiben achi'el ri itzel taq kibanobal ri aj pa rachoch kan ri Acab. Y pa ruwi' ri', chuqa' xe'akamisaj ri awach'alal ri xa kan más e utz chawech rat.

2 Rey 21:11

Ri Manasés ri rey richin Judá nuben ri man niqa' ta chinuwech, y kan nuben más itzel taq banobel chuwech ri xkiben ri aj-Hamor ri xek'oje' ojer kan, y rija' kan xuben chike ri aj-Judá richin xkiya' kiq'ij ri kiwachibel ri ch'aqa' chik dios.

2 Rey 9:22

Y toq ri Joram xapon rik'in ri Jehú, xuk'utuj chire wi k'o uxlanibel-k'u'x o ni. Y ri Jehú xubij: ¡Achi'el ta k'a chi xtik'oje' uxlanibel-k'u'x, rokik ri ate' Jezabel xa k'a nuya' na kiq'ij ri ch'aqa' chik dios, y chuqa' k'a najin rik'in ri mak richin itz!, xcha'.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

1 Rey 14:9

Jak'a rat, xa kan janila k'a itzel ri abanalon-pe chikiwech konojel janipe' ri xeq'ax yan el chupan ri ajawaren. Rat xaya' kan awij chinuwech, y roma ri' xayek janila woyowal. Kan xe'abanala-qa kiwachibel ch'aqa' chik dios ri e banon rik'in q'eqapueq ri ya'erisan pa q'aq'.

2 Crón 21:10

Jak'a ri aj-Edom kan xetikir xkelesaj kan ki' chuxe' ri ruq'atbal-tzij ri Judá k'a re q'ij re'. Keri' chuqa' xkiben ri winaqi' richin ri tinamit rubini'an Libná. Kan xetikir xkelesaj kan ki' chuxe' ri q'atbel-tzij richin ri Judá. Ronojel re' xbanatej roma ri Joram man xutzeqelibej ta ri Jehová ri ki-Dios kan ri kati't-kimama'.

Ex 34:16

Y toq rix xke'ik'en-apo ri kimi'al rije' richin chi ye'ik'uluba' kik'in ri ik'ajol rix; toq ri xtani' ri' xtikiya' kiq'ij ri ki-dios, xa kan xtikiben chike ri ik'ajol chi tikibana' chuqa' keri'.

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

Wuj Richin ri Isaías 65:7

roma ri kimak rije' y chuqa' roma ri kimak ri kite-kitata'. Rije' kan xekiporola' pom pa ruwi' taq juyu', y ri chiri' kojol taq juyu' xeyakatej chuwij. Yin kan xtinya' rutojbalil ri mak pa kiwi'.

Wuj Richin ri Jeremías 3:8

Y rije' xkitz'et chi ri tinamit Israel man xkijech ta ki' xaxe chuwe yin, xa xkiya' kiq'ij ch'aqa' chik dios. Roma ri' yin kan xinjech-wi' kik'in y kan xinya' jun wuj chike richin ri qach'arojri'il. Jak'a ri itzel rach'alal Judá xa man xkixibij ta ki' xa kan keri' chuqa' xkiben rije'.

Ez 23:11

Jak'a stape' ri Oholibá, ri chaq'laxel, xutz'et ronojel re', rija' chuqa' kan más itzel k'aslen xuben chuwech ri runimal.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Os 12:1

Ri winaqi' aj-Israel achi'el xa ta ja ri kaq'iq' ri nikitej, kan jak'a ri kaq'iq' ri nipe pa relebel-q'ij ri rutzeqeliben. Xa kan xkinimirisaj k'a q'anej chikij ri tz'ukuj-tzij y ri wululen. Xa xkiben jikibel-tzij rik'in ri Asiria, y ronojel ri aceite ri k'o kik'in xa nikik'uaj pan Egipto.