2 Crón 21:10 - Kaqchiquel Bible

¹⁰ Jak'a ri aj-Edom kan xetikir xkelesaj kan ki' chuxe' ri ruq'atbal-tzij ri Judá k'a re q'ij re'. Keri' chuqa' xkiben ri winaqi' richin ri tinamit rubini'an Libná. Kan xetikir xkelesaj kan ki' chuxe' ri q'atbel-tzij richin ri Judá. Ronojel re' xbanatej roma ri Joram man xutzeqelibej ta ri Jehová ri ki-Dios kan ri kati't-kimama'.

2 Crón 21:10 ပူးပေါင်းရင်းမြစ်များ

Wuj Richin ri Jeremías 2:13

Rix nutinamit kan iqajben ka'i' mak: Rix xa xinimalij kan yin ri in k'aslik alaxibel-ya'. Chuqa' xa xe'itzeqelibej dios ri xa e achi'el yakbel taq ya' ri xa e teq'el, ri xa man utz ta richin niyak ya' chupan.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

2 Crón 13:10

Jak'a roj, kan ja ri Jehová ri qa-Dios y man qamalin ta kan. Ri e sacerdote ri yesamej chupan rachoch ri Jehová ja ri e rijatzul kan ri Aarón, y ri yeto'on kichin ja ri e levita.

2 Rey 19:8

Toq ri aj-raqen pa kiwi' ri aj-labal xretamaj chi ri Senaquerib xumalij kan ri tinamit Laquis, richin niberubana' oyowal kik'in ri aj-Libná, rija' chuqa' xumalij kan ri Jerusalem y xapon akuchi k'o-wi ri rey.

1 Rey 11:33

Y kere' xtuben ri Jehová rik'in ri rey Salomón roma xa xumalij kan y xa xuya' ruq'ij ri dios ixoq Astarté, y chuqa' kiq'ij ri Quemós ri ki-dios ri aj-Moab y ri Milcom ri ki-dios ri aj-Amón. Y xubij chuqa' ri Jehová chi ri Salomón man xutzeqelibej ta ri utzilej bey, ni man xuben ta ri choj chuwech rija', ni man xutaqej ta ri jalajoj ruwech pixa' ri ya'on chire, achi'el xuben ri David ri rutata'.

1 Rey 11:31

Y xubij chire ri Jeroboam: Tachapa-el lajuj chire la kablajuj wech' tzieq la' roma rubin ri Jehová ri qa-Dios richin Israel chi rija' xtrelesaj ri ajawaren pa ruq'a' ri Salomón, y xtuya' chawe rat lajuj tzobaj winaqi'.

Wuj Richin ri Josúe 21:13

Y keri' xya'ox kan ri tinamit Hebrón chike ri e rijatzul ri sacerdote Aarón. Y ri tinamit ri' richin tobel kichin ri winaqi' ri chaq k'ate' nikiben jun kamik. Y chuqa' xya'ox kan ri tinamit Libná,

Deut 32:21

Xiben chuwe richin itzel xinna' chiwe, roma rix xiyala' kiq'ij ch'aqa' chik dios. Y chuqa' xiyek woyowal, roma kan xe'itzeqelibej ch'aqa' chik dios ri xa man jun yetikir nikiben. Wakami kan xtinben k'a chiwe richin itzel xtina' chuwe. Y xtinyek iwoyowal, roma rix ix jun tinamit nakanik.

2 Crón 21:8

Y toq niq'aton-tzij rija', jari' toq ri aj-Edom xeyakatej richin nikelesaj-ki' chuxe' ri q'atbel-tzij richin ri Joram, y roma ri' xkikanoj-qa jun ki-rey kiyon rije'.

2 Crón 21:9

K'ari' ri Joram xyakatej-el kik'in konojel ri e aj-raqen pa kiwi' ri aj-labal, y chuqa' xeruk'uaj konojel ri ru-carruaje. Y toq ek'o chik chiri', ri aj-labal y konojel ri ye'uk'uan ri carruaje xeyakatej-el chaq'a', y xekichop chi oyowal ri aj-Edom ri kan kisutin chik kij.

2 Crón 21:11

Pa ruwi' ri' xa xeruben chik el ri akuchi niya'ox-wi kiq'ij ri wachibel chiri' pa taq juyu' richin Judá. Ja rija' ri xtzaqon chik kan kichin ri aj-Jerusalem y ri ch'aqa' chik winaqi' ri ek'o pa rajawaren, y chuqa' xuben chike chi xkich'er kan ki' chire ri ruchojmilal.

Deut 31:17

Y chupan ri q'ij ri' ri nuq'aq'alen kan xtiqaqa k'a pa kiwi'. Kan xkenmalij k'a kan y man xkento' ta chik. Y kan xtipe k'a k'iy ruk'ayewal y tijoj-poqonal pa kiwi' k'a toq xkenk'is. K'ari' rije' xtikik'utuj ri achike roma maneq chik ri Jehová kik'in y achike roma qajineq re ruk'ayewal re' pa kiwi'.

Wuj Richin ri Josúe 10:29

Ri Josué y konojel ri aj-labal xe'el k'a el chiri' pa Maquedá, y xebe pa tinamit Libná y xkichop nikiben oyowal kik'in rije'.

Wuj Kichin ri To'onela' 10:13

Jak'a rix xa xinimalij kan, y xe'isamajij ri ch'aqa' chik dios. Roma ri' yin man xkixinkol ta chik.

2 Crón 28:6

Ri rey Pécah, ruk'ajol ri Remalías, y ri aj-labal aj-Israel xekikamisaj pa jun q'ij chiri' pa Judá e 120,000 achi'a' ri maneq xibinri'il chikiwech. Konojel k'a xekamisex roma xkimalij kan ri Jehová, ri ki-Dios kan ri kati't-kimama'.

Wuj Richin ri Isaías 1:28

Jak'a ri man e nimey ta tzij y ri e aj-maki' xa xkek'is, y chuqa' ri xkemalin kan wichin yin, kan xkeken.

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.