2 Crón 21:1 - Kaqchiquel Bible

¹ Ri Josafat xken y xmuq pa rutinamit kan ri rey David, y ja ri nabey ruk'ajol rubini'an Joram ri xq'aton kan tzij pa ruk'exel.

2 Crón 21:1 ပူးပေါင်းရင်းမြစ်များ

1 Rey 22:50

Xken k'a ri Josafat y xmuq pa rutinamit kan ri David; y pa ruk'exel rija' xk'oje' kan ri ruk'ajol rubini'an Joram.

2 Crón 21:20

Ri Joram k'o k'a juwineq kablajuj rujuna' toq xuchop xuq'et-tzij pa ruwi' ri ruwach'ulew Judá chiri' pa Jerusalem, y waqxaqi' k'a juna' xuq'et-tzij. Y toq xken, kan man jun k'a xbison richin; xmuq k'a pa rutinamit kan ri rey David, jak'a man xmuq ta chikikojol ri rey.

2 Crón 12:16

Y toq ri Roboam xken, xmuq chupan ri tinamit richin ri rey David y ja ri Abiam ri ruk'ajol ri xk'oje' kan pa ruk'exel.

2 Crón 9:31

Y toq xken, xmuq chupan ri rutinamit kan ri rey David ri rutata', y chirij rija' ja ri ruk'ajol rubini'an Roboam xk'oje' kan pa ruk'exel.

2 Rey 8:24

Xken k'a ri Joram y xmuq akuchi e muqun-wi ri rute-rutata', chupan ri tinamit richin kan ri rey David; y ja ri Ocozías ri ruk'ajol, ri xk'oje' kan pa ruk'exel.

2 Crón 20:37

Y k'o k'a jun q'alajirisey ruch'abel ri Dios ri rubini'an Eliézer aj-Maresá, ruk'ajol ri Dodavahu; xuq'alajirisaj chire ri Josafat re ch'abel re': Ri Dios kan niberuk'isa' ri samaj ri yatajin chubanik, roma xjunamatej-awech rik'in ri Ocozías, xcha'. Y roma ri' ri barco ri' xa xewulatej, y man jun bey xetikir xebe pa Tarsis.

2 Sam 2:32

Chirij ri' ri Joab y ri ruwinaq xkik'uaj-el ri ruch'akul ri Asael richin xbekimuqu' kan pa Belén, ri akuchi muqun-wi ri rutata'. Ri Joab y ri achi'a' ri e beneq rik'in xkichop chik k'a el bey y chijun aq'a' xebiyin. Y k'a ja toq niseqer-pe xe'apon pan Hebrón.