2 Crón 20:8 - Kaqchiquel Bible

⁸ Roj ri oj rijatzul kan ri Israel kan ojk'o k'a chupan re ruwach'ulew y ri qate-qatata' xkipaba' kan re jun awachoch re' ri akuchi niya'ox-wi aq'ij.

2 Crón 20:8 ပူးပေါင်းရင်းမြစ်များ

2 Crón 6:10

Y ri Jehová kan xuben achi'el ri rusujun, y roma ri' ja yin xik'oje' kan pa ruk'exel ri nata', y wakami xik'oje' kan richin ninq'et-tzij pan iwi' rix, y kan xinpaba-q'anej ri rachoch ri Jehová, ri qa-Dios.

2 Crón 2:4

Wakami yin ninwajo' ninpaba-q'anej jun rachoch ri Jehová ri nu-Dios richin ninjech pa rusamaj, akuchi xtinbenporoj-wi ri jubulej pom chuwech, akuchi xtinuk'-wi pa cholaj ri kaxlan-wey, y richin ninsuj ri kamelabel ri niporox chijun ronojel nimaq'a' y tiqaq'ij, chuqa' chupan ri q'ij richin uxlanen, y toq yenimaq'ijux ri k'ak'a' taq ik' y ri ch'aqa' chik nimaq'ij toq niya'ox ruq'ij ri Jehová ri qa-Dios. Ronojel re' kan k'o chi xtiqataqej richin q'asen, qonojel roj ri oj aj-Israel.

2 Crón 20:7

Dios qichin roj, rat xatelesan-el kichin ri winaqi' ri xek'oje' chuwech re ruwach'ulew re' richin xaya' kan jantape' chire ri Abraham, ri junan awech rik'in y kan awachibil, y chuqa' xaya' chiqe roj ri oj rijatzul kan rija'.

2 Crón 20:9

Y xkibij k'a chi wi k'o ta jun ruk'ayewal xtipe pa qawi' roma ri qamak; stape' labal rik'in espada, o yabil o rik'in juba' jun nimalej wayjal, xqojpe k'a re wawe' chawech chupan re awachoch richin yojch'on awik'in, y xqojawak'axaj k'a y kan xqojakol.

Wuj Richin ri Josúe 21:43

Kere' k'a xuben ri Jehová richin xuya' ronojel ri ruwach'ulew chike ri tinamit Israel, roma kan xuya' rutzij chike ri kite-kitata' chi kan xtuya-wi chike. Y rije' xkichinaj k'a y chiri' xek'oje-wi.

2 Crón 6:5

kan man jun tinamit ri rucha'on chupan ri ruwach'ulew Israel ri akuchi ta nipabex-wi-q'anej jun rachoch richin niqaya' ruq'ij. Keri' rubin-pe kan chupan-pe ri q'ij toq xerelesaj-pe pan Egipto ri qate-qatata' k'a re wakami. Ri Dios xubij chuqa' chi xaxe ri David ri xucha', richin chi ja rija' niyuqen qichin.

2 Crón 6:6

Ri Dios xubij chuqa' chi rija' xucha' ri tinamit Jerusalem richin chi wawe' niqaya-wi ruq'ij, y chi rija' xucha' ri David richin nuq'et-tzij pa qawi'.