2 Crón 20:29 - Kaqchiquel Bible

²⁹ Toq konojel ruwach'ulew xketamaj chi ja ri Jehová ri xbanon ri oyowal kik'in ri e etzelanel kichin ri aj-Judá, jari' toq xkik'en janila rukiy ri Jehová.

2 Crón 20:29 ပူးပေါင်းရင်းမြစ်များ

2 Crón 17:10

Ri Jehová xuben k'a chi konojel ri q'atbel-tzij richin ri ruwach'ulew ri ek'o chunaqaj ri Judá xqaqa jun nimalej xibinri'il pa kiwi', y keri' kan man xetikir ta chik xkiben oyowal rik'in ri Josafat.

2 Rey 7:6

roma ri Jehová xuben chike ri aj-Siria chi xkak'axaj chi kan janila carruaje yeq'ajan; keri' chuqa' kaqen ri kiej, y janila aj-labal. Y xkibij k'a qa chikiwech: Wakami ri rey richin Israel xeberuk'ama-pe ri aj-labal hitita y ri aj-Egipto, richin nokibana' oyowal qik'in, xecha-qa.

2 Crón 14:14

Chuqa' xekich'ek kan ri ch'aqa' chik tinamit ri ek'o chunaqaj ri Guerar, roma ri nimalej xibinri'il richin ri Jehová xqaqa pa kiwi'. Ri aj-Judá xekik'is k'a kan konojel winaqi' kichin ri tinamit ri', y xkik'en-pe ronojel ri k'o rejqalen ri k'o kik'in, roma chiri' janila beyomel k'o.

Ex 23:27

Yin kan xtinben richin xtikixibij-ki' chiwech, y xtinya' ri nimalej nuxibinri'il pa kiwi' konojel ri tinamit ri akuchi xkixq'ax-wi y xa xtusech kik'u'x y xke'animej k'a el chiwech ri e etzelanel iwichin.

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

Wuj Richin ri Josúe 5:1

Konojel ri rey kichin ri amorreo ri ek'o re juk'an-pe chire ri ruchi' ri raqen-ya' Jordán pa qajbel-q'ij y konojel ri rey kichin ri aj-Canaán ri ek'o chunaqaj ri palou, toq xkak'axaj chi ri Jehová xuben chire ri ya' richin ri Jordán chi xpa'e' y xumol-ri' chikiwech ri e rijatzul kan ri Israel y xkiq'axaj, jari' toq xmayamo-qa ri kánima y man xk'oje' ta chik uchuq'a' kik'in rije' chikiwech ri e rijatzul kan ri Israel.

Ex 14:14

Jak'a ri Jehová xtibanon oyowal pa qak'exel roj y roj kan man jun ri k'o chi niqaben, xcha' ri Moisés.

2 Crón 20:28

Toq xe'apon pa Jerusalem, xebe pa rachoch ri Jehová y xkiq'ojomaj jalajoj ruwech q'ojom achi'el ri salterio, ri arpa y ri trompeta.

Wuj Richin Bix Chire ri Dios 76:8

Kan k'a chila' chikaj xaya-wi-pe ri ruchojmilal, y konojel ri winaqi' chuwech re ruwach'ulew kan xkixibij-ki', y kan jun k'a xek'oje-wi.

Ex 14:25

Y rija' kan xuben k'a chi xeqitz'iqo' ri ki-rueda ri carruaje y roma ri' man xetikir ta chik xebe anineq. Y jari' toq ri aj-Egipto xkibij: Más utz qojanimej chikiwech ri israelita, roma kan ja ri Jehová ri nibanon oyowal chiqij roj, pa kik'exel rije', xecha'.

2 Crón 14:13

Ri Asá y ri achi'a' xekitzeqelibej-el ri e etzelanel kichin k'a pa tinamit Guerar. Xekamisex k'a ri aj-Etiopía roma ri Jehová y koma ri aj-labal ri aj-Judá. Kan man jun chik xk'ase' kan chike ri aj-Etiopía, y ri aj-Judá kan xkimej k'a pe ronojel ri k'o rejqalen chuwi-kiq'a' ri e etzelanel kichin.