2 Crón 20:25 - Kaqchiquel Bible

²⁵ K'ari' ri Josafat y ri achi'a' xebe-qa richin xbekik'ama-pe ri kik'uan ri e etzelanel kichin; y xkil k'a pe janila chi beyomel, jebelej taq tzieq y ch'aqa' chik ri kan k'o rejqalen. Ronojel re' xekik'uaj; kan janila k'a k'iy, y roma ri' kan man xetikir ta xkimol ruchi' pa jun q'ij. K'o chi oxi' q'ij xek'oje' chiri' richin xkimol ruchi' ronojel ri k'o rejqalen ri kichin kan ri e etzelanel kichin.

2 Crón 20:25 ပူးပေါင်းရင်းမြစ်များ

Wuj Richin ri Q'axanri'il 31:15

K'ari' xubij chike: ¿Achike roma man xe'ikamisaj ta kan konojel ixoqi'?

Wuj Richin Etamabel-Tzij 3:15

Ri na'oj kan más wi rejqalen ke chikiwech ri jebelej taq abej, kan más wi rejqalen ke chuwech ronojel ri k'o rik'in ri wineq, ri kan k'o janila rajel chuwech rija'.

Wuj Richin Bix Chire ri Dios 68:12

Nikibij k'a: ¡Xe'animej, xe'animej ri e rey kichin ri e etzelanel qichin!, yecha'. Y ri ixoqi' chiri' pa kachoch xkitaluj k'a chikiwech ri k'o rejqalen ri xkik'en-pe pa labal

Ex 3:22

Roma ri' toq chikijujunal ri ixoqi' israelita xtikik'utuj-el chike ri ixoqi' e kachk'uljay aj-Egipto, o chike xabachike ixoqi' ri akuchi ek'o-wi, rije' kan xkekiyala' k'a el chiwe ronojel ri k'o kejqalen ri e banon rik'in saqipueq y q'anapueq. Chuqa' kan xkekiyala-el jebelej taq tzieq, richin chi jari' xkekikusala' ri imi'al-ik'ajol. Y keri' xtimej-el ri kibeyomel ri aj-Egipto, xcha' ri Dios chire ri Moisés.

Romanos 8:37

Jak'a chupan ronojel ruwech tijoj-poqonal, roj kan yojch'akon-wi chire ronojel roma ri Cristo ri kan yojrajo'.

2 Crón 20:24

Toq xe'apon ri aj-Judá akuchi niq'alajin-wi ri tz'iran ruwach'ulew richin yekitzu-qa ri e etzelanel kichin, jari' toq xekitz'et-qa kiyon chik kaminaqi' e li'an kan chiri' pan ulew, y kan man jun xanimej chike.

2 Crón 20:26

Chupan k'a ri rukaj q'ij xkimol-ki' konojel rije' ri chiri' chupan jun taq'aj kojol juyu' ri k'o chiri' richin xkiya' ruq'ij ri Jehová, y roma ri' xkibij Taq'aj kojol juyu' richin Beracá*f9* chire k'a re wakami roma chiri' xkil-wi urtisanik.

Wuj Richin ri Q'axanri'il 31:53

Re sipanik re' man ja ta ri aj-labal ri xeya'on-apo, stape' rije' kan k'o xkimej-pe chuwi-kiq'a' ri etzelanel kichin.

Wuj Richin ri Josúe 11:14

Y ri Josué y ri achi'a' xok kichin ronojel ri ek'o chupan ri tinamit ri xekich'ek, y chuqa' ronojel ri awej ri xekil chupan ri tinamit ri'; jak'a konojel ri winaqi' xekikamisaj chi espada, y kan man jun xk'ase' kan chike,

Wuj Richin ri Zacarías 14:14

Ri e etzelanel kichin ri aj-Israel ri ek'o pa Judá xkejote-q'anej pa Jerusalem richin xkeyakatej chikij ri kachibil. Y kan achi'el k'a ri nima-ruk'ayewal ri xtiqaqa pa kiwi' ri winaqi', kan keri' chuqa' xtiqaqa pa kiwi' ri jalajoj kiwech chikopi', achi'el ri kiej, ri camello y ri bur. Y chupan ri q'ij ri' xtikimol k'a ruchi' chijun ri beyomel ri k'o kik'in ri e etzelanel kichin ri aj-Israel ri ek'o chiri'; ri q'anapueq, ri saqipueq y ri jebelej taq tzieq. Y re' kan pa ruk'iyal k'a xtikimol.