2 Crón 20:23 - Kaqchiquel Bible

²³ Ri aj-Amón y ri aj-Moab xekikamisala' ri muenita y kan xekik'is k'a; y toq xetane' chikij rije', xa kan chi kachibil-ki' xkikamisala-qa ki'.

2 Crón 20:23 ပူးပေါင်းရင်းမြစ်များ

1 Sam 14:20

Y xaxe ri' ri Saúl y konojel ri aj-labal ri kan ek'o rik'in xkimol-el-ki', y xebe k'a chi'anin ri akuchi najin-wi ri oyowal. Jari' toq xkitz'et chi ri aj-Filistea xa kiyon rije' nikikamisala-qa-ki' roma kan jumul sachineq kik'u'x.

Wuj Kichin ri To'onela' 7:22

Y ri oxi' tzobaj achi'a' kan nikixupula' ri kixupubal; y ri Jehová xuben k'a chike ri aj-Madián chi kiyon rije' xkikamisala-qa-ki' chikiwech chi espada, chiri' ri akuchi ek'o-wi-qa. Y ri ch'aqa' aj-labal kichin ri aj-Madián, xe'animej y ek'o xe'apon k'a pa Bet-sitá, ch'aqa' chik xe'apon k'a pa tinamit Sererá, y ri ch'aqa' chik xe'apon chunaqaj ri tinamit Abel-meholá chuwech-apo ri Tabat.

Wuj Richin ri Josúe 24:4

Y ri Isaac xinya' k'a ka'i' ruk'ajol; ri jun xubini'aj Jacob y ri jun chik xubini'aj Esaú. Ri Esaú xinya' chire ri juyu' rubini'an Seír richin xrichinaj, jak'a ri Jacob y ri e ralk'ual xebe pa ruwach'ulew Egipto.

Deut 2:5

Man jun tiben chike re winaqi' re' richin niyek koyowal, roma re ulew re' kan man xtinya' ta chiwe, y man jun iq'a' chire re ruwach'ulew re'. Jare' ri kichinan ri e rijatzul kan ri Esaú y ja yin ri in yoyon chike.

Wuj Richin ri Rutikeribel 14:6

y chuqa' xekich'ek ri rijatzul ri Hor ri ek'o chiri' pa juyu' rubini'an Seír y xekitzeqelibej k'a el k'a chuwa-taq'aj richin Parán ri k'o chunaqaj ri tz'iran ruwach'ulew.

2 Crón 20:24

Toq xe'apon ri aj-Judá akuchi niq'alajin-wi ri tz'iran ruwach'ulew richin yekitzu-qa ri e etzelanel kichin, jari' toq xekitz'et-qa kiyon chik kaminaqi' e li'an kan chiri' pan ulew, y kan man jun xanimej chike.

2 Crón 21:8

Y toq niq'aton-tzij rija', jari' toq ri aj-Edom xeyakatej richin nikelesaj-ki' chuxe' ri q'atbel-tzij richin ri Joram, y roma ri' xkikanoj-qa jun ki-rey kiyon rije'.

Wuj Richin ri Isaías 19:2

Ri Dios xtuben chike konojel ri aj-Egipto chi xkeyakatej chikij ri kiwinaq. Xa kan xkeyakatej k'a chikij ri kach'alal, y chikij ri kachpochel. Xa kan xkeyakatej tinamit chikij ch'aqa' chik tinamit, y xa kan xkeyakatej k'a aj-raqen chirij jun chik aj-raqen.

Ez 38:21

Chupan ri q'ij ri' xtinteq k'a pe chawij rat Gog, kamik rik'in espada chupan chijun ruwach'ulew. Chuqa' xtinben chi xtisach kik'u'x ri aj-labal richin xtikikamisaj-qa-ki' chikiwech rije'.

Wuj Richin ri Hageo 2:22

Y xkentek'mayila' ri kitz'uyubal richin q'atbel-tzij ri ajawaren y xtink'is ri kuchuq'a'. Chuqa' xkentek'mayila' ri ki-carruaje e richin labal y ri yejote' chupan. Xkeken k'a ri kikiej y ri achi'a' ri yech'oke' chirij kiej. Chikijujunal xketzaq roma ri ki-espada ri kach'alal.