2 Crón 20:22 - Kaqchiquel Bible

²² Y toq ri bixanela' xkichop-q'anej bixanik rik'in janila kikoten, jari' toq ri Jehová xusech kik'u'x ri e etzelanel kichin y xech'akatej. Xuben k'a chike ri aj-Amón, ri aj-Moab y ri muenita chi xa kiyon rije' xkikamisala-qa ki' chikiwech.

2 Crón 20:22 ပူးပေါင်းရင်းမြစ်များ

Ez 38:21

Chupan ri q'ij ri' xtinteq k'a pe chawij rat Gog, kamik rik'in espada chupan chijun ruwach'ulew. Chuqa' xtinben chi xtisach kik'u'x ri aj-labal richin xtikikamisaj-qa-ki' chikiwech rije'.

1 Sam 14:20

Y xaxe ri' ri Saúl y konojel ri aj-labal ri kan ek'o rik'in xkimol-el-ki', y xebe k'a chi'anin ri akuchi najin-wi ri oyowal. Jari' toq xkitz'et chi ri aj-Filistea xa kiyon rije' nikikamisala-qa-ki' roma kan jumul sachineq kik'u'x.

Wuj Richin ri Isaías 19:2

Ri Dios xtuben chike konojel ri aj-Egipto chi xkeyakatej chikij ri kiwinaq. Xa kan xkeyakatej k'a chikij ri kach'alal, y chikij ri kachpochel. Xa kan xkeyakatej tinamit chikij ch'aqa' chik tinamit, y xa kan xkeyakatej k'a aj-raqen chirij jun chik aj-raqen.

2 Rey 6:17

K'ari' ri Eliseo xch'on rik'in ri Dios y xubij: Tabana' utzil Jehová, tajaqa' ri runaq'-ruwech ri nusamajel richin yerutz'et ri aj-labal ri ataqon-pe rat, xcha'. K'ari' ri Jehová xuben chire ri samajel richin xjaqatej ri runaq'-ruwech. Y xutz'et k'a chi ri juyu' e nojineq chi aj-labal ri yech'oke' chirij kiej y ri e beneq pa carruaje rik'in q'aq', ri kisutin-rij ri tinamit.

Wuj Kichin ri To'onela' 7:22

Y ri oxi' tzobaj achi'a' kan nikixupula' ri kixupubal; y ri Jehová xuben k'a chike ri aj-Madián chi kiyon rije' xkikamisala-qa-ki' chikiwech chi espada, chiri' ri akuchi ek'o-wi-qa. Y ri ch'aqa' aj-labal kichin ri aj-Madián, xe'animej y ek'o xe'apon k'a pa Bet-sitá, ch'aqa' chik xe'apon k'a pa tinamit Sererá, y ri ch'aqa' chik xe'apon chunaqaj ri tinamit Abel-meholá chuwech-apo ri Tabat.

2 Crón 20:10

Jak'a re wakami jare' e peteneq richin nokibana' oyowal qik'in ri e rijatzul kan ri Amón, ri Moab y ri winaqi' ri aj chuwi' taq juyu' richin ri Seir. Ri ojer kan toq ri qati't-qamama' xeq'ax-pe chupan ri kiruwach'ulew ri winaqi' ri' toq e eleneq-pe pan Egipto, rat kan man xawajo' ta chi xok-apo ri atinamit Israel chiri'; xa xabij k'a chike chi tikich'ara-ki' kik'in, y man jun itzel tikiben kan chike.

2 Crón 13:13

Y ri Jeroboam rubin k'a chike jun tzobaj chike ri ruwinaq chi tibekisutij-pe-ki' chikij ri aj-Judá y chaqk'ate' kekichapa' chi oyowal, rokik ri ch'aqa' chik ruwinaq yek'oje' chikiwech ri aj-Judá.

1 Sam 14:16

Y ri chajinela' richin ri Saúl ri ek'o pa Guibeá xkitz'et k'a chi ri aj-Filistea sachineq kik'u'x, y kan man nikil ta k'a akuchi yebe-wi.

2 Crón 21:8

Y toq niq'aton-tzij rija', jari' toq ri aj-Edom xeyakatej richin nikelesaj-ki' chuxe' ri q'atbel-tzij richin ri Joram, y roma ri' xkikanoj-qa jun ki-rey kiyon rije'.

Wuj Richin ri Josúe 6:16

Y toq xtz'aqet yan wuqu' mul xesutin chirij ri tinamit, jari' toq ri e sacerdote xkeyaloj richin nikixupuj ri xupubel, y chuqa' jari' toq ri Josué xubij chike ri achi'a': Kixsik'in, roma ri Jehová xujech yan pa qaq'a' re tinamit re'.

2 Sam 22:4

Kan ninnataj k'a ri abi' rat Jehová, roma kan ruk'amon richin niya'ox aq'ij-ak'ojlen. Y yinakol chikiwech ri e etzelanel wichin.

2 Crón 5:13

Konojel k'a re' junan xeq'ojoman-q'anej y xebixan junan richin nikiya' ruq'ij ri Jehová, y nikimatioxij chire: Xkixupuj k'a ri trompeta, xkiq'ojomaj ri platillo y ri jalajoj kiwech taq q'ojom rokik yebixan, y kere' nikibij: Tiya' ruq'ij ri Jehová, roma rija' kan janila utz, ri rujoyowanik kan richin q'asen, xecha'. Y rokik yebixan, ri sutz' richin ri Jehová xunojisaj ri k'ak'a' rachoch,

2 Crón 13:15

Y toq ri aj-Judá xkireq kichi' richin nichapatej-q'anej oyowal, ri Dios xuben chire ri Jeroboam y ri achi'a' ri aj-Israel chi xech'akatej koma ri Abiam y ri aj-Judá.

Wuj Richin Bix Chire ri Dios 18:4

Ri kamik kan xsutin k'a chuwij. Jalajoj k'a ruwech etzelal xrojqaj-ri' chuwij, roma ri' kan janila xinxibij-wi'.