2 Crón 20:20 - Kaqchiquel Bible

²⁰ Ri ruka'n q'ij, xeyakatej nimaq'a' yan richin yebe pa tz'iran ruwach'ulew ri k'o chunaqaj ri tinamit Tecoa, y toq rije' ye'el yan el, ri Josafat xpa'e-q'anej y xubij chike konojel: Kiniwak'axaj chi'iwonojel nuwinaq. Kan tiqakuquba' qak'u'x rik'in ri Jehová ri qa-Dios y keri' kan xtik'oje' k'a quchuq'a'; chuqa' tiqakuquba' qak'u'x kik'in ri q'alajirisey ruch'abel ri Dios y kan utz k'a xtel ronojel chiqawech, xcha' chike.

2 Crón 20:20 ပူးပေါင်းရင်းမြစ်များ

San Juan 14:1

Ri Jesús xubij chike ri rutijoxela': Man tisach ik'u'x; tikuquba' ik'u'x rik'in ri Dios, kan keri' chuqa' tibana' wik'in yin.

Hebreos 11:6

Jak'a wi maneq ri kuqubabel-k'u'x qik'in, ri Dios man xtikikot ta ri ránima qik'in. Y richin yojjel-apo rik'in ri Dios, k'o chi niqanimaj chi rija' kan k'o-wi, y chi k'o utzil rik'in richin nuya' chike ri yekanon richin.

San Juan 11:40

Jak'a ri Jesús xubij chire: Yin kan nubin chik k'a chawe chi wi xtakuquba' ak'u'x wik'in, kan xtatz'et k'a ri ruk'ojlen ri Dios, xcha'.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

San Lucas 16:31

Jak'a ri Abraham xubij chire: Wi man nikinimaj ta ri ruch'abel ri Dios ri rutz'iban kan ri Moisés, y ri kitz'iban kan ri q'alajirisanela' ri xek'oje' ojer kan, xa man xtikinimaj ta chuqa' jun ri nik'astej-el chikikojol ri kaminaqi', xcha'.

San Juan 13:20

Kan qitzij wi k'a ninbij chiwe, chi ri xtik'ulu k'a richin ri ninteq-el yin, kan ja yin ri yiruk'ul. Y ri xkik'ulu k'a yin, xa kan xtuk'ul k'a chuqa' ri taqayon-pe wichin, xcha'.

Wuj Richin ri Isaías 26:3

Roma ri Jehová nichajin kichin konojel ri k'o uxlanibel-k'u'x kik'in.

Ex 14:31

Y toq ri winaqi' israelita xkitz'et ri nimalej banobel ri xuben ri Jehová kik'in ri aj-Egipto, rije' xkixibij-ki' chuwech ri Jehová y xkikuquba' k'a kik'u'x rik'in y chuqa' xkikuquba' kik'u'x rik'in ri Moisés, ri rusamajel.

Wuj Richin ri Isaías 7:9

Roma ri ruk'u'x ri ruwach'ulew Israel ja ri tinamit Samaria; y ri rey richin Samaria xa ja ri ruk'ajol ri Remalías. Wi rix man xtikuquba' ta ik'u'x wik'in, kan qitzij na wi chuqa' rix man xkixk'ase' ta kan, xcha' ri Jehová.

Wuj Richin ri Jeremías 6:1

Chuqa' ri Dios nubij: Rix winaqi' aj-Benjamín kan tikanoj k'a akuchi nito-wi-el-iwi'. Kixanimej-el re wawe' pa tinamit Jerusalem. Tibexupuj ri trompeta chiri' pa tinamit Tecoa richin niya' rutzijol y tiya-q'anej jun retal rik'in jun sib, chiri' pa tinamit Bet-haquérem, roma peteneq jun wululen, jun nimalej ruk'ayewal ri peteneq kela' pa xaman.

2 Sam 14:2

jari' toq xuteq ruk'amik jun ixoq aj-Tecoa ri kan janila nowineq. Y xuk'utuj utzil chire chi tubana-el achi'el xa ta janila nibison, y tukusaj-el tzieq richin bis, y man tuya-el jubulej aq'om chirij. Chuqa' xubij chi chirij ri' tapon rik'in ri rey, y tubana' chi achi'el xa ta k'iy yan juna' k'o-pe pa bis roma k'o jun ri xken rik'in.

2 Crón 11:6

Ri Roboam xk'oje-qa pa Jerusalem y xupaba' chik q'anej ri tinamit ri k'o pa ruwach'ulew Judá y Benjamín, ri e tz'apen-kij chi tz'aq. Ja tinamit re': Belén, Etam, Tecoa, Bet-sur, Socó, Adulam, Gat, Maresá, Zif, Adoraim, Laquis, Azecá, Sorá, Aialón y ri Hebrón.

1 Crón 4:5

Ri Ashur, rutata' ri Tecoa, xek'oje' e ka'i' rixjayil, ri jun rubini'an Helá y ri jun chik rubini'an Naará.

2 Crón 20:19

Chirij ri', ri e levita e rijatzul kan ri Quehat y ri e rijatzul kan ri Coré xkichop nikiya' ruq'ij ri Dios richin Israel rik'in bix y kan janila kow xebixan.

Wuj Richin ri Jeremías 38:20

Y yin xinbij chire: Ni, wi rat xtajech-awi' pa kiq'a' ri aj-Babilonia, rije' man xkatkijech ta pa kiq'a' ri qawinaq. Roma ri' wakami tabana' utzil tawak'axaj ri ruch'abel ri Jehová ri xtinbenbij chawe, richin utz xkatel y xtakol ri ak'aslen.

Dn 6:23

Y ri rey kan janila k'a xkikot, roma k'es ri Daniel. Y xubij k'a chi telesex-pe chupan ri jul. Keri' xel-pe ri Daniel y kan man jun k'a sokotajik k'o chirij, roma rija' kan xukuquba' ruk'u'x rik'in ri ru-Dios.

Wuj Richin Bix Chire ri Dios 125:1

Ri ququl kik'u'x rik'in ri Dios kan jikil ek'o,*f109* e achi'el ri juyu' Sión, ri kan man nisilon ta, y kan jantape' ek'o.

Wuj Richin ri Isaías 28:16

Roma ri' ri Jehová nubij: Kan xtinya' chiri' pa Sión jun abej ri cha'on y janila rejqalen. Ja abej ri' ri xtok k'atzinel chire ri ruxe' ri jay. y xtitike' kan jebel. Y xabachike k'a ri rukuquban ruk'u'x rik'in, kan man jun xtiberuk'uluwachij.