2 Crón 20:2 - Kaqchiquel Bible

² Y xbeya'ox k'a rutzijol chire ri Josafat chi e peteneq janila chi aj-labal aj-Edom ri e eleneq-pe pa relebel-q'ij chire ri Tzayi-Choy, y jari' ek'o chik pe pa tinamit Hasesón-tamar, ri chuqa' nibix En-gadi chire.

2 Crón 20:2 ပူးပေါင်းရင်းမြစ်များ

Wuj Richin ri Rutikeribel 14:7

Y xetzolej k'a pe y xepe pa tinamit En-mispat ri chuqa' nibix Cadés-barnea chire. Y xkich'ek kan ri ruwach'ulew ri xtibe'ok kichin ri rijatzul ri Amalec y chuqa' ri ruwach'ulew ri rijatzul ri Hamor ri k'o pan Hasesón-tamar.

1 Sam 23:29

K'ari' ri David xel k'a el chiri' y xberewaj-ri' chiri' pa tinamit En-gadi.

Wuj Richin ri Nimalej Bix 1:14

Janila jebejoj ok yatintz'et, achi'el jun boraj kotz'i'j alhena, ri k'amon-pe chupan ri tiko'n richin uva pan En-gadi.

Wuj Richin ri Josúe 15:62

Nibsán, y ri jun chik tinamit ri nibix Atz'an chire, y ri En-gadi; ronojel re' e waqi' tinamit rik'in ri kokoj kitinamit.

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.

Wuj Richin ri Q'axanri'il 34:12

y niq'ax-qa chupan ri raqen-ya' Jordán. Y nibek'is k'a pa Tzayi-Choy. Jare' ri iwulew y ri ruk'ulba't ri ek'o chi'inaqaj, xcha' ri Jehová.

Wuj Richin ri Rutikeribel 14:3

Re wo'o' rey re' y ri aj-labal xa xkitun-ki', y xkimol-ki' chupan ri ruwa-taq'aj richin Sidim y chiri' k'o-wi ri Tzayi-Choy re wakami.

Ez 47:10

Kan k'a pan En-gadi ri k'o pa xaman, k'a pan En-eglaim ri k'o pa xokon chire ri Tzayi-Choy, xkek'oje' ri e chapoy taq ker y chiri' k'a xtikisa-wi ri kiya'l richin nikichop ker. Y ri ker ri ek'o chiri' kan pa ruk'iyal ri xkek'oje', y kan jalajoj k'a ri ker achi'el ri ek'o chupan ri palou.

Ez 48:28

Ri k'ulba't ri k'o pa xokon chire ri ruwach'ulew ri Gad, nitiker-el pa tinamit Tamar y niq'ax-el pa qajbel-q'ij chuchi' ri alaxibel-ya' Meribá-cadés y napon k'a pa ch'uti'n raqen-ya' richin ri Egipto y keri' napon k'a pa palou.

Ez 47:19

Ri k'ulba't ri k'o pa xokon nitiker-el rik'in ri tinamit Tamar y choj nibe pa qajbel-q'ij. Niq'ax-el rik'in ri alaxibel-ya' Meribá-cadés y napon k'a pa ti ch'uti'n raqen-ya' richin Egipto y napon k'a pa palou.