Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Crón 20:17 - Kaqchiquel Bible

17 Man ja ta rix ri xkixbanon oyowal; rix xaxe kixpa'e' chiri' y tiwoyobej, y kan xtitz'et k'a chi ri Jehová xkixrukol. Rix winaqi' aj-Jerusalem y chuqa' rix ri ix richin ri ajawaren richin Judá, man tixibij k'a iwi' y man kixmayamo-qa; kixbiyin k'a chikij ri chua'q, y ri Jehová kan xtik'oje' iwik'in, keri' nubij ri Jehová, xcha' ri Jahaziel chike.

အခန်းကိုကြည့်ပါ။ ကော်ပီ




2 Crón 20:17
26 ပူးပေါင်းရင်းမြစ်များ  

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.


Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.


Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.


Rija' xa achi'a' ri yeto'on richin; jak'a roj kan ja ri Jehová ri qa-Dios yojto'on chupan re oyowal re', xcha'. Toq xkak'axaj ri ruch'abel ri rey Ezequías, ri winaqi' kan xk'oje' k'a kuqubabel-k'u'x kik'in.


Kan más utz niqoyobej ri rutzil ri Jehová, Kan tiqoyobej k'a richin yojruto'.


Ri nrajo' ja ri man kixyakatej chirij ri Jehová, chuqa' man tixibij-iwi' chikiwech ri winaqi' ri richin ri ruwach'ulew ri', roma roj kan chaqba' xkeqach'ek, roma rije' kan man jun chik xtito'on ta kichin, jak'a roj kan k'o ri Jehová qik'in, xecha'.


Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.


Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.


Ri Jehová k'iytisanel richin ronojel ja ri Loq'olej qa-Dios, y rija' nubij chi kixanpe rik'in, y titzolin-pe ik'u'x richin nik'oje' uxlanen iwik'in y kan xkixkolotej. Rija' xtuya' iwuchuq'a' rix wi nikuquba' ik'u'x rik'in. Jak'a rix xa man niwajo' ta.


Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.


Rix nibij chi yin Jehová ink'o iwik'in. Roma ri' tikanoj ri utz y man tiben ri itzel, richin keri' xkixk'ase' chi utzil. K'ari' kan qitzij chi xkik'oje' iwik'in, yin Jehová, ri Dios ri k'o ronojel uchuq'a' wik'in.


Ri ajaw Jesucristo xtik'oje' pan awánima rat. Y chi'iwonojel ri ixk'o chiri' xtik'oje' ta k'a ri rutzil ri Dios iwik'in. Kan keri' ta k'a.


Kan qitzij na wi chi ri aj-Egipto kan xtikiya' to'onik, jak'a man jun rejqalen. Roma ri', yin ninbij chi ri Egipto xtubini'aj Rahab*f7* ri xa man jun nik'atzin-wi.


Y rija' kan xuben k'a chi xeqitz'iqo' ri ki-rueda ri carruaje y roma ri' man xetikir ta chik xebe anineq. Y jari' toq ri aj-Egipto xkibij: Más utz qojanimej chikiwech ri israelita, roma kan ja ri Jehová ri nibanon oyowal chiqij roj, pa kik'exel rije', xecha'.


Chua'q xkixbe-qa chikitz'etik ri winaqi' ri', y rije' xkejote-pe chuwa juyu' Sis, y xkebe'iwila' chuchi' ri ti ch'uti'n raqen-ya' ri k'o-pe chuwech ri tz'iran ruwach'ulew richin ri Jeruel.


Jari' toq ri Jehová Dios xubij chire ri Moisés: Wakami xtabetz'eta' ri xtinbenbana' rik'in ri rey, rik'in ri wuchuq'a' yin. Rija' xtuya-el q'ij chiwe y xkixroqotaj-el chupan ri rutinamit, xcha' ri Jehová.


Y man taxibij-awi' chikiwech ri winaqi' ri', roma ri Jehová ri qa-Dios kan ja rija' ri xtibanon oyowal pan ak'exel, xicha' chire.


Y konojel ri israelita jun xek'oje-wi chiri' akuchi e ya'on-wi y kisutin-rij ri akuchi ek'o-wi-qa ri aj-Madián; y toq ri aj-Madián xkak'axaj y xkitz'et ri', jari' toq xe'animej-el y nikireq kichi' xebe.


Richin keri' tiketamaj konojel chi ri Jehová man nikolon ta rik'in espada, ni rik'in kum. Roma re jun oyowal re' kan richin rija' y kan ja rija' xkixjachon pa qaq'a' roj, xcha' ri David.


Jari' toq jun q'alajirisey ruch'abel ri Dios xch'on rik'in ri Acab y xubij chire: Kere' rubin-pe ri Jehová: Stape' rat ye'atz'et e janila chi etzelanel awichin, jak'a yin xkenjech pan aq'a' re wakami. Xtinben kere' richin nawetamaj chi ja yin Jehová, nicha' ri Jehová, xcha' chire.


¡Kow k'a kixk'oje' y titija' iq'ij richin man nixibij-iwi'. Man timayamo-qa ri iwánima chuwech ri rey richin Asiria y chikiwech konojel aj-labal ri e rachibilan-pe, roma k'o más uchuq'a' qik'in roj ke chikiwech rije'.


xubij chike: Kere' k'a xtibebij chire ri qa-rey: Ri Jehová nubij chi man tixibij-iwi' roma ri ch'abel ri xiwak'axaj roma ri aj-raqen ri', ri xuben xaxe richin xuqasaj ruq'ij ri Dios.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ