2 Crón 20:14 - Kaqchiquel Bible

¹⁴ Kimolon k'a ki' konojel winaqi', y chikikojol rije' k'o jun achin ri rijatzul kan ri Asaf. Y rija' rubini'an Jahaziel ruk'ajol ri Zacarías, chuqa' rumam ri Benaías; y ri Benaías ruk'ajol kan ri Jeiel, ri ruk'ajol kan ri Matanías. Ri Espíritu richin ri Jehová xpe rik'in ri Jahaziel,

2 Crón 20:14 ပူးပေါင်းရင်းမြစ်များ

2 Crón 15:1

Ri Espíritu richin ri Dios xpe k'a rik'in ri Azarías, ruk'ajol ri Oded,

2 Crón 24:20

K'ari' ri Espíritu richin ri Dios xpe rik'in ri Zacarías, ruk'ajol kan ri Joiadá. Y xapon kik'in ri winaqi' y xpa'e' chikiwech akuchi ri más pa jotol, y xubij: Kere' nubij ri Dios: ¿Achike roma rix man itaqen ta ri nupixa'? ¿Achike roma xa iyon rix xikanoj ruk'ayewal? Roma rix xa xinimalij kan, keri' chuqa' yin xkixinmalij kan, nicha' ri Jehová, xcha'.

Hechos 10:31

Y xubij k'a chuwe: Cornelio, ri Dios utz rak'axan ri ach'owen, y chuqa' kan qajineq chuwech chi ye'ato' ri winaqi' ri nik'atzin kito'ik.

Hechos 10:4

Ri Cornelio rutzuliben k'a ri ángel, y janila ruxibin-ri'. Y xuk'utuj chire ri achike nrajo'. Ri ángel xubij chire: Ri ach'owen rik'in ri Dios kan janila qajineq chuwech, y keri' chuqa' kan qajineq chuwech ri ye'ato' ri winaqi' ri nik'atzin kito'ik. Roma ri' rija' yarunataj-pe re wakami.

Wuj Richin ri Isaías 65:24

Kan k'a man jani k'a kinkoyoj-pe rije', toq yin kan xtink'uluba' yan qa ri kich'abel. Kan k'a man jani ketane-qa richin yech'on wik'in, yin kan xkenwak'axaj yan.

Wuj Richin ri Isaías 58:9

K'ari' toq xkixinwoyoj, yin kan xtink'uluba-pe ri ich'abel. Toq xkixsik'in richin nik'utuj to'onik, yin xkik'oje' iwik'in. Jak'a kan nik'atzin chi man niya' ta chik iwi' pa poqon. Chuqa' man ke'iyoq' ri ch'aqa' chik winaqi', y man ke'iq'abaj tzij chikij,

Wuj Richin ri Q'axanri'il 24:2

y toq xtzu'un-qa ri pa xulan, xutz'et k'a chi ri tinamit Israel e uxlawineq pa taq tzobaj y jari' toq ri Espíritu richin ri Jehová xqaqa pa ruwi' rija' richin xubij:

1 Crón 12:4

ri Ismaías aj-Gabaón, jun chike ri e juwineq lajuj ri maneq xibinri'il chikiwech, y aj-raqen pa kiwi' ri tzobaj ri'; ri Jeremías; ri Jahaziel; ri Johanán; ri Jozabad aj-Guederá;

2 Crón 20:13

Konojel k'a ri achi'a' ri e apowineq richin ri molojri'il ri' e pa'el-apo chuwech ri Jehová junan kik'in ri kalk'ual y ri kixjayilal kich'elelon taq kal.