2 Crón 20:13 - Kaqchiquel Bible

¹³ Konojel k'a ri achi'a' ri e apowineq richin ri molojri'il ri' e pa'el-apo chuwech ri Jehová junan kik'in ri kalk'ual y ri kixjayilal kich'elelon taq kal.

2 Crón 20:13 ပူးပေါင်းရင်းမြစ်များ

Hechos 21:5

Chupan k'a ri ruwuq q'ij qojk'oje' ri chiri', xqachojmirisaj-qi' richin yojbe. Konojel ri qach'alal kachibilan ri kixjayilal y ri kalk'ual, xojbekijacha' kan ri chuchi' ri ya'. Ri chiri' xojxuke-qa y xojch'on rik'in ri Dios.

Wuj Richin ri Jonás 3:5

Toq ri winaqi' aj-Nínive xkak'axaj ri peteneq pa kiwi', xkinimaj k'a ri ruch'abel ri Dios, y xelesex rutzijol chi man yewa' ta y tikikusaj k'a qiriqoj taq tzieq. Keri' xkiben richin chi xkik'ut chi xkitzolij-ki' chikij chire ri kimak, y kan keri' k'a xkiben chi ch'uti'q, chi nima'q.

Wuj Richin ri Esdras 10:1

Rokik ri Esdras nich'on rik'in ri Dios, nubij ronojel ri kimak y kan noq' xukul chiri' chuwech ri rachoch ri Dios, ri janila chi ruwinaq kan xkimol-apo-ki' chiri': Chi achi'a', chi ixoqi' y chi ak'uala'. Y rije' chuqa' kan xe'oq' roma bis.

Deut 29:10

Wakami chi'iwonojel rix kan imolon-pe-iwi' chuwech ri Jehová ri qa-Dios: Ri e aj-raqen richin ri tzobaj achi'a' ri k'o kiq'ij, ri samajela' richin ri tinamit y konojel ri achi'a' ri e qawinaq,

2 Crón 20:12

¡Nimalej qa-Dios roj! Rat k'a xkaq'aton-tzij pa kiwi' ri winaqi' ri e yakatajineq-pe chiqij, roma roj kan maneq quchuq'a', y rije' kan janila e k'iy; roj man qetaman ta k'a achike ri k'atzinel chi niqaben, y roma ri' kan awik'in k'a rat niqakuquba' qak'u'x chi rat xqojato', xcha' ri Josafat.

2 Crón 20:14

Kimolon k'a ki' konojel winaqi', y chikikojol rije' k'o jun achin ri rijatzul kan ri Asaf. Y rija' rubini'an Jahaziel ruk'ajol ri Zacarías, chuqa' rumam ri Benaías; y ri Benaías ruk'ajol kan ri Jeiel, ri ruk'ajol kan ri Matanías. Ri Espíritu richin ri Jehová xpe rik'in ri Jahaziel,

Deut 29:9

Kan titaqej k'a ri ruchojmilal y kan tibana' ri achike ri nubij, richin keri' kan ronojel k'a utz xtel chiwech ri xtiben.

Joel 2:16

Kan tikich'ajch'ojirisaj-ki' richin ri molojri'il. Ke'imolo' ri e rijita'q taq achi'a' ri k'o kiq'ij; chuqa' ri ak'uala' y ri k'a yetz'uman. Chuqa' ke'el-pe pa kachoch ri k'a juba' kek'ule'.