2 Crón 20:12 - Kaqchiquel Bible

¹² ¡Nimalej qa-Dios roj! Rat k'a xkaq'aton-tzij pa kiwi' ri winaqi' ri e yakatajineq-pe chiqij, roma roj kan maneq quchuq'a', y rije' kan janila e k'iy; roj man qetaman ta k'a achike ri k'atzinel chi niqaben, y roma ri' kan awik'in k'a rat niqakuquba' qak'u'x chi rat xqojato', xcha' ri Josafat.

2 Crón 20:12 ပူးပေါင်းရင်းမြစ်များ

Wuj Richin Bix Chire ri Dios 25:15

Yin kan jantape' at nutzuliben, roma kan ja rat ri yakolon wichin chuwech ri ruk'ayewal.

Wuj Richin Bix Chire ri Dios 141:8

Jak'a yin kan ja rat Jehová wajaw, ri at nutzuliben. Kan kuqul nuk'u'x awik'in. Roma ri' man tawisq'opej ri nuk'aslen.

Deut 32:36

Toq ri Jehová xtutz'et chi ri iwuchuq'a' xa xk'is yan y man yixtikir ta chik nito-iwi', jari' toq xtiyakatej rija' richin xkixruto'. Y toq xtutz'et chi kan man jun chik nito'on iwichin y jujun chiwe rix ix ximil chik pa samaj, jari' toq xtujoyowaj iwech rix rusamajela'.

Wuj Richin Bix Chire ri Dios 9:19

¡Jehová, kayakatej k'a! man taya' q'ij chi ri winaqi' nikinimirisaj-ki' chawech rat. Taq'ata-tzij pa kiwi' ri man yatkitzeqelibej ta.

Wuj Richin Bix Chire ri Dios 43:1

Nu-Dios yin, taq'ata' tzij pa nuwi', y taq'alajirisaj chi maneq numak. Kinato' k'a chikiwech ri winaqi' ri man yatkitzeqelibej ta, y chikiwech ri kan xaxe q'oloj y ri itzel taq banobel ri yekiben.

Wuj Richin ri Jonás 2:4

Yin xinna' chi xinamalij kan, y xinch'ob-qa chi man jun bey chik xkinapon chupan ri awachoch ri akuchi atk'o-wi rat.

2 Sam 14:11

K'ari' ri ixoq xuk'utuj utzil chire chi tujikiba-rutzij chuwech ri Jehová chi wi k'o ta jun ri najowan nikamisan richin ri ral, kan tubana' chire chi man chik tuben keri'. Toq ri David xrak'axaj keri', kan xujikiba' k'a chuwech ri Jehová chi kan man jun rusumal-ruwi' ri ral, xtitzaq pan ulew.

1 Sam 3:13

Y kan xtink'ut k'a chuwech chi ja yin xkiq'aton-tzij pa ruwi' rija' y pa kiwi' ri aj pa rachoch, roma rija' retaman chik ri itzel taq kibanobal ri e ruk'ajol ri nikiben chinuwech. Y rija' kan xretamaj y man e relesan ta el chiri'.

Wuj Kichin ri To'onela' 11:27

Keri' yin kan man jun nubanon chawe, jak'a rat xa nawajo' naben oyowal wik'in. Ri Jehová ri kan chojmirisey richin ri nibanatej; ja rija' ri xtiq'aton-tzij pa qawi' roj israelita y rix ri ix rijatzul ri Amón, nicha' ri Jefté, xecha' ri e uk'uey rutzijol.

Apocalipsis 19:11

Y toq xitzu'un yan chik, xintz'et k'a ri kaj chi jaqel. Y xintz'et jun seq rij kiej, ch'okoliben roma ri jun ri rubini'an Qitzij y Kan Nuben-wi ri Nubij. Y kan rik'in ruchojmilal niq'aton-tzij y nuben labal kik'in ri ye'etzelan richin.

Wuj Richin Bix Chire ri Dios 7:8

Jehová ja rat ri yaq'aton-tzij pa kiwi' ri winaqi'. Taq'ata' k'a tzij chuqa' pa nuwi' yin, achi'el ri ruchojmilal ri nuk'aslen.

Joel 3:12

Ri Jehová nubij: Kixk'astej k'a winaqi' richin re ruwach'ulew; y kixjote-pe pa taq'aj kojol juyu' ri richin kan ri Josafat. Roma chiri' xkitz'uye-wi yin richin ninq'et-tzij pan iwi' rix. Xtinq'et-tzij pa kiwi' konojel ajawaren ri ek'o chikinaqaj.

2 Rey 6:15

Ri ruka'n q'ij, nimaq'a' yan, xyakatej ri nilin richin ri Eliseo; y jari' toq xerutz'et ri aj-labal aj-Siria kisutin-rij ri tinamit, kik'uan-el achi'a' ri e ch'okol chikij kiej y ri e beneq pa carruaje. K'ari' ri samajel xubij: ¡Wajaw, wakami achike niqaben!, xcha'.

Wuj Richin ri Isaías 42:4

Rija' kan man xtikos ta, ni man xtimayamo' ta qa ri ránima, k'a ja toq xtuben pa ruchojmilal chuwech re ruwach'ulew. Y konojel ri winaqi' ri ek'o pa taq'aj ruwach'ulew, kan xtikikuquba' kik'u'x rik'in ri rupixa', xcha' ri Dios.

Wuj Richin ri Isaías 2:4

Ri Jehová xtiq'aton-tzij chikikojol ri ch'aqa' chik winaqi'. Rije' man jun chik labal xtibekibana'. Roma ri' ri ki-espada xa xtikijel rubanik, y xtikiben arado chike. Chuqa' ri kikum xa xtikiben kijos chike. Man jun chik ruwach'ulew xtiyakatej chirij jun chik ruwach'ulew, ni man xketijox ta chik richin yebe pa taq labal.

Wuj Richin Bix Chire ri Dios 7:6

¡Jehová, kayakatej k'a chi nuto'ik! kan rik'in k'a awoyowal, kayakatej chikij ri e etzelanel wichin. Rat kan abin chi kan naya-wi rutojbalil, kan kinato' k'a wakami.

1 Sam 14:6

Y ri Jonatán kan kere' k'a rubin chire ri ruto'onel: Jo', qojq'ax-apo kik'in la winaqi' la', ri man ketaman ta ruwech ri Dios. Rik'in juba' ri Jehová xqojruto', roma chuwech rija' man jun k'ayew richin yojch'akon, stape' man oj k'iy ta, xcha'.

2 Crón 20:13

Konojel k'a ri achi'a' ri e apowineq richin ri molojri'il ri' e pa'el-apo chuwech ri Jehová junan kik'in ri kalk'ual y ri kixjayilal kich'elelon taq kal.

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

1 Rey 1:20

Roma ri' rey, wajaw yin, konojel ri winaqi' richin Israel at kitzuliben, y at koyoben richin janipe' naq'alajirisaj achike k'a ri xtibetz'uye' kan chupan ri atz'uyubal, rat nu-rey.

Wuj Richin Bix Chire ri Dios 94:2

Rat ri yachojmirisan ronojel ri nibanatej chuwech chijun ri ruwach'ulew. Kayakatej k'a y tataqa-pe ri awoyowal pa kiwi' ri kinimirisan-ki'.