2 Crón 20:11 - Kaqchiquel Bible

¹¹ Y wakami ja rajel ruk'exel re' ri nikiya' chiqe, chi nikajo' yojkelesaj-el re wawe' chupan re ruwach'ulew ri awichin rat ri xaya' chiqe roj richin xqichinaj.

2 Crón 20:11 ပူးပေါင်းရင်းမြစ်များ

Wuj Richin ri Jeremías 18:20

Toqaqa k'a chi'ak'u'x chi yin in ch'owineq awik'in pa kik'exel rije', richin chi nink'utuj chawe chi man naya' ta pe ruk'ayewal pa kiwi'. ¿Kan rik'in kami ri itzel nitoj-wi ri utz? ¿Achike k'a roma rije' xkik'ot jun jul richin yinkichop yin?

Wuj Richin Etamabel-Tzij 17:13

Ri wineq ri xa itzel ruk'exel nutzolij chire ri jun chik wineq ri k'o utz ri nuben chire; ri pa rachoch ri nibanon itzel, kan man jun bey xke'uxlan ta juba' pa ruq'a' ri etzelal.

Wuj Richin Bix Chire ri Dios 35:12

Yin ninben utz kik'in, jak'a rije' ja ri itzel nikiben chuwe. Y re' xa nuya' bis pa wánima.

Wuj Richin Bix Chire ri Dios 7:4

wi ta xinya' rutojbalil chire ri xa man jun rubanon chuwe, wi ta yin kan k'o xinmej chuwi-ruq'a' ri etzelanel wichin, toq man ojk'o ta pan oyowal.

Wuj Richin ri Rutikeribel 44:4

Y toq e eleneq chik el chupan ri tinamit y man jani nej ta kebiyin, jari' toq ri José xubij chire ri rusamajel: Kabiyin y kebe'aq'i' ri achi'a' y tabij chike: ¿Achike roma xiben ri man ruk'amon ta y xa utz ri xban-pe chiwe? ¿Achike roma xiweleq'aj-pe ri ruqumbal ri wajaw ri banon rik'in saqipueq?

2 Crón 20:12

¡Nimalej qa-Dios roj! Rat k'a xkaq'aton-tzij pa kiwi' ri winaqi' ri e yakatajineq-pe chiqij, roma roj kan maneq quchuq'a', y rije' kan janila e k'iy; roj man qetaman ta k'a achike ri k'atzinel chi niqaben, y roma ri' kan awik'in k'a rat niqakuquba' qak'u'x chi rat xqojato', xcha' ri Josafat.

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Deut 4:38

Chuqa' xerelesaj-el ri nima'q taq tzobaj winaqi' etzelanel qichin ri más kuchuq'a' chiqawech roj, richin yixbek'oje' chuwech ri kiruwach'ulew rije' achi'el ri nibanatej wakami.

Wuj Richin ri Josúe 1:6

Kow k'a kak'oje' y man taxibij-awi', roma ja rat xkajachon ri ulew chike ri awinaq, ri ulew ri xtikichinaj kan, ri xinya' nutzij chire chi kan chike ri ite-itata' ninya-wi.

Am 1:11

Kere' nubij ri Jehová pa kiwi' ri aj-Edom: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xekitzeqelibej ri kiwinaq israelita richin xekikamisaj. Y kan man xkijoyowaj ta kiwech. Ri ch'upun-k'u'x ri xk'oje' kik'in kan janila nim. Kan man xkiq'et ta ruwi' ri koyowal.