2 Crón 20:10 - Kaqchiquel Bible

¹⁰ Jak'a re wakami jare' e peteneq richin nokibana' oyowal qik'in ri e rijatzul kan ri Amón, ri Moab y ri winaqi' ri aj chuwi' taq juyu' richin ri Seir. Ri ojer kan toq ri qati't-qamama' xeq'ax-pe chupan ri kiruwach'ulew ri winaqi' ri' toq e eleneq-pe pan Egipto, rat kan man xawajo' ta chi xok-apo ri atinamit Israel chiri'; xa xabij k'a chike chi tikich'ara-ki' kik'in, y man jun itzel tikiben kan chike.

2 Crón 20:10 ပူးပေါင်းရင်းမြစ်များ

Deut 2:19

Y toq xkixnaqajub k'a apo chikinaqaj ri winaqi' amonita, ri e rijatzul kan ri Lot, man jun tiben chike richin niyek koyowal, roma man ninya' ta chiwe ri ulew ri' richin niwichinaj, roma yin xinya' yan ri ruwach'ulew ri' chike rije', xcha' ri Moisés.

Deut 2:9

Y ri Jehová xubij chuwe: Man jun tiben chike re winaqi' re' richin niyek koyowal, roma man ninya' ta chiwe ri ulew ri' richin niwichinaj. Roma yin xinya' yan ri tinamit Ar chike ri e rijatzul kan ri Lot richin xkichinaj kan, xubij ri Jehová, xcha' ri Moisés.

2 Crón 20:1

Chirij k'a ronojel re' ri e rijatzul kan ri Moab y ri Amón xjunamatej-kiwech kik'in ri winaqi' meunita, y xepe richin nokibana' oyowal rik'in ri Josafat.

2 Crón 20:22

Y toq ri bixanela' xkichop-q'anej bixanik rik'in janila kikoten, jari' toq ri Jehová xusech kik'u'x ri e etzelanel kichin y xech'akatej. Xuben k'a chike ri aj-Amón, ri aj-Moab y ri muenita chi xa kiyon rije' xkikamisala-qa ki' chikiwech.

Wuj Richin Bix Chire ri Dios 83:6

Re winaqi' re' je ri edomita, ri ismaelita, ri moabita, ri agareno,

Wuj Richin Bix Chire ri Dios 83:7

ri guebalita, ri amonita, ri amalecita, ri aj-Filistea y ri aj-Tiro.

Am 1:11

Kere' nubij ri Jehová pa kiwi' ri aj-Edom: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xekitzeqelibej ri kiwinaq israelita richin xekikamisaj. Y kan man xkijoyowaj ta kiwech. Ri ch'upun-k'u'x ri xk'oje' kik'in kan janila nim. Kan man xkiq'et ta ruwi' ri koyowal.