2 Crón 20:1 - Kaqchiquel Bible1 Chirij k'a ronojel re' ri e rijatzul kan ri Moab y ri Amón xjunamatej-kiwech kik'in ri winaqi' meunita, y xepe richin nokibana' oyowal rik'in ri Josafat. အခန်းကိုကြည့်ပါ။ |
Jak'a ri Amarías ri nimalej sacerdote, ja rija' ri xtiq'aton-tzij pa ruwi' ronojel ri rusamaj ri Jehová, y ja ri Zebadías ruk'ajol ri Ismael, ri tata'al pa kiwi' ri aj pa rachoch ri Judá, ja rija' ri xtik'oje' pa ruwi' ronojel ri nibanatej chupan ri ajawaren. Chuqa' ri e levita kan ja rije' ri xketo'on iwichin chupan re samaj re'. Kan titija' k'a iq'ij richin niben ri samaj, y ja ri Jehová xtik'oje' iwik'in wi utz xkixsamej, xcha' ri rey.
Jak'a re wakami jare' e peteneq richin nokibana' oyowal qik'in ri e rijatzul kan ri Amón, ri Moab y ri winaqi' ri aj chuwi' taq juyu' richin ri Seir. Ri ojer kan toq ri qati't-qamama' xeq'ax-pe chupan ri kiruwach'ulew ri winaqi' ri' toq e eleneq-pe pan Egipto, rat kan man xawajo' ta chi xok-apo ri atinamit Israel chiri'; xa xabij k'a chike chi tikich'ara-ki' kik'in, y man jun itzel tikiben kan chike.
Chirij ronojel re' ri e aj-labal aj-Siria y ri aj-Israel nibekibana' oyowal rik'in ri tinamit Jerusalem, jak'a man xetikir ta xekich'ek. Y re' xbanatej toq ri Resín rey richin ri Siria, ri Pécah ruk'ajol ri Remalías, rey richin ri Israel ri k'o pa xaman, y ri Acaz ruk'ajol ri Jotam, y rumam ri Ozías, rey richin ri tinamit Judá.