2 Crón 2:6 - Kaqchiquel Bible

⁶ Stape' keri' rubanik ri jay, kan man jun k'a xtitikir xtipaban-q'anej rachoch rija', roma ri kaj chi tz'etel y ri man tz'etel ta kan man nitikir ta nukuch ri Dios. ¿In achike ta k'a yin richin ninpaba-q'anej jun rachoch, stape' xaxe xtik'atzin richin niporox pom chupan?

2 Crón 2:6 ပူးပေါင်းရင်းမြစ်များ

2 Sam 7:18

K'ari' ri rey David xok-apo chupan ri jay ri banon rik'in tzieq, y xbek'oje' chuwech ri Jehová richin nich'on rik'in. Y xubij: Nimalej Jehová, ¿in achike ta k'a yin y ri wijatzul richin chi oj ato'on-pe k'a re wawe'?

1 Rey 7:13

Ri rey Salomón ek'o k'a ri xeruteq-el k'a pa tinamit Tiro chuk'amik ri achin rubini'an Huram.*f3*

1 Rey 7:14

Ri rute' ri Huram jun ixoq malka'n richin ri tzobaj Neftalí, jak'a ri ánima rutata', aj-Tiro, samajiy richin q'enq'oj-pueq. Ri Huram kan k'o-wi etamabel, nojibel y na'oj rik'in richin nuben xabachike ruwech samaj, rik'in q'enq'oj-pueq. Y ri Huram kan xpe k'a y xoqaqa chuwech ri rey Salomón y kan xeruben k'a ri samaj ri xbix chire.

1 Rey 8:27

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej-wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

1 Crón 22:15

Man xaxe ta ri'; ek'o janila samajela' ri e choyoy abej, aj-tz'aq, ajanela', y ri etamanela' richin nikiben jalajoj ruwech samaj

1 Crón 29:14

¿In achike ta k'a yin richin yitikir ninsuj chawe ronojel re sipanik re'? ¿Achike ta k'a ri nutinamit richin yetikir nikisuj chawe ronojel re sipanik re'? Roma ronojel re' kan awik'in rat nipe-wi, y roma ri' roj niqaya' chik apo chawe ri qak'ulun.

2 Crón 1:10

Wakami tabana' utzil taya' nuna'oj y wetamabal richin yenyuqej re winaqi' re', roma kan man jun chik k'a ri xtitikir ta xtiq'aton-tzij pa ruwi' ri atinamit re janila nim, xcha'.

2 Crón 6:18

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

Ex 3:11

Jari' toq ri Moisés xubij chire ri Dios: ¿In achike ta k'a yin, richin chi ja yin ri yinateq-el k'a rik'in ri rey, y yenwelesaj-pe pan Egipto ri nuwinaq ri junan wijatzul kik'in?, xcha'.

Ex 31:5

Nuya'on nojibel chire richin nuben jebelej taq samaj rik'in jebelej taq abej, richin yeruben jebelej taq samaj rik'in che' y richin chuqa' yeruben xabachike jebelej taq samaj, ri kan nrajo' janila na'oj.

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Wuj Richin ri Jeremías 23:24

Y roma ri', man yixtikir ta niwewaj-iwi' chinuwech. Yin kan nintz'et ri akuchi ixk'o-wi, roma yin nunojisan ri kaj y ri ruwach'ulew.

2 Corintios 2:16

Chike k'a ri man xkekolotej ta, xa jun uxla' richin kamik. Jak'a chike ri yekolotej, kan jun jubulej uxla' richin k'aslen. ¿Y achike kami nibanon richin nibiyin rutzijol ri ruch'abel ri Dios?

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Deut 12:14

xa kan xaxe k'a ruk'amon nisuj ri akuchi rucha'on-wi rija' chikikojol jun chike ri kitinamit ri itzobaj.

Deut 12:26

Jak'a ronojel sipanik ri ich'aron chire ri Jehová, re' kan xtik'uaj k'a el ri akuchi rucha'on-wi rija'.