2 Crón 2:5 - Kaqchiquel Bible

⁵ Y ri jay richin ri Dios ri xtinpaba-q'anej kan janila nim, roma ri qa-Dios kan janila nim ruq'ij chikiwech ch'aqa' chik dios.

2 Crón 2:5 ပူးပေါင်းရင်းမြစ်များ

1 Rey 8:27

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej-wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

1 Rey 9:8

Y stape' wakami re wachoch kan jun nimalej jay, rik'in juba' jun q'ij ri winaqi' ri xkeq'ax xa jun wuluwik jay ri xtikitz'et. Y xtikimey y xtikik'utula' chikiwech: ¿Achike roma kere' xuben ri Jehová rik'in re ruwach'ulew re'? ¿Y achike roma kere' xuben chire re jay re kan richin rija'?, xkecha'.

1 Crón 16:25

Roma ri Jehová kan k'o nim ruq'ij-ruk'ojlen, y kan xaxe rija' ruk'amon chi niqaya' ruq'ij. Rija' kan man junan ta k'a kik'in ch'aqa' chik dios, roma rija' kan k'o rukiy.

1 Crón 29:1

Chirij ronojel ri' ri rey David kere' xubij chike konojel ri winaqi': Ri Dios xcha'on ri nuk'ajol Salomón, jak'a rija' jun ala' k'a ko'ol ok y ri samaj janila nim, roma ri jay ri' man achi'el ta ok jun xabachike jay. Re' kan rachoch ri Jehová Dios.

1 Crón 29:14

¿In achike ta k'a yin richin yitikir ninsuj chawe ronojel re sipanik re'? ¿Achike ta k'a ri nutinamit richin yetikir nikisuj chawe ronojel re sipanik re'? Roma ronojel re' kan awik'in rat nipe-wi, y roma ri' roj niqaya' chik apo chawe ri qak'ulun.

2 Crón 2:9

richin tikibana' k'iy nuche', roma ri rachoch ri nu-Dios ri xtinpaba-q'anej kan k'atzinel nim y kan jebel rubanik xtinbenbana' chire.

2 Crón 29:11

Y roma ri' k'a nuwinaq yin, kan titija' k'a iq'ij, roma ri Jehová kan ix rucha'on richin nisamajij y kan xtiporoj k'a pom chuwech, xcha'.

2 Crón 6:18

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

Wuj Richin Bix Chire ri Dios 135:5

Kan wetaman k'a chi ri Jehová kan janila nim. Ri qajaw roj kan más nim chikiwech ri ch'aqa' chik dios.

Wuj Richin Bix Chire ri Dios 145:3

Kan nimalej aq'ij rat Jehová. Kan ruk'amon richin niya'ox ronojel bix chawe. Ri animirinen rat kan man nuq'i' ta ri qach'obonik roj.

Wuj Richin Bix Chire ri Dios 148:4

Ri kaj chi tz'etel y man tz'etel ta tikiya' ruq'ij ri Dios, keri' chuqa' ronojel ri sutz' ri ek'o chuxe' ri kaj.

Ex 15:11

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Ex 18:11

Wakami jebel k'a xq'alajin chinuwech chi ja ri Jehová jari' ri más nim chikiwech ri ch'aqa' chik dios, roma xuya' rutojbalil pa kiwi' ri winaqi' ri nim xkina-ki', roma xekiya' pa tijoj-poqonal ri israelita, xcha'.

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Wuj Richin ri Jeremías 10:6

K'ari' xinbij chire ri Dios: Kan man jun chik achi'el rat Jehová. Rat kan janila utzilej atzijol ri k'o. Kan janila nim ri aq'ij y k'o ronojel uchuq'a' pan aq'a'.

Ez 7:20

Kan inimirisan k'a iwi' rik'in ri jebelej taq ruwi-ixkinaj, retz'aba'l ruwi' q'abaj, ichinaj; y rik'in ri' xe'ibanala-q'anej wachibel ri kan yenwixowaj yin. Y roma ri' yin kan xtinben q'ayis chire ronojel re'.

1 Timoteo 6:15

Toq xtapon ri q'ij, ri Dios xtuben ronojel re' roma kan xaxe rija' ri k'o y xaxe rija' ri nimalej ruq'ij. Ja rija' ri nimalej rey pa kiwi' konojel rey. Kan nimalej ajaw pa kiwi' konojel ajaw.