2 Crón 2:4 - Kaqchiquel Bible

⁴ Wakami yin ninwajo' ninpaba-q'anej jun rachoch ri Jehová ri nu-Dios richin ninjech pa rusamaj, akuchi xtinbenporoj-wi ri jubulej pom chuwech, akuchi xtinuk'-wi pa cholaj ri kaxlan-wey, y richin ninsuj ri kamelabel ri niporox chijun ronojel nimaq'a' y tiqaq'ij, chuqa' chupan ri q'ij richin uxlanen, y toq yenimaq'ijux ri k'ak'a' taq ik' y ri ch'aqa' chik nimaq'ij toq niya'ox ruq'ij ri Jehová ri qa-Dios. Ronojel re' kan k'o chi xtiqataqej richin q'asen, qonojel roj ri oj aj-Israel.

2 Crón 2:4 ပူးပေါင်းရင်းမြစ်များ

Ex 30:7

Ronojel nimaq'a' toq nichojmirisex ri rutza'n ri candil, jari' toq ri Aarón xtuporoj ri jubulej pom pa ruwi' ri porobel ri'.

Ex 25:30

Kan jantape' k'a xtiya'ox ri kaxlan-wey pa ruwi' ri mesa, chinuwech yin, richin jun sipanik.

2 Crón 2:1

Ri Salomón xuch'ob nupaba-q'anej ri rachoch ri Jehová, y chuqa' ri jay akuchi nuq'et-wi tzij rija'.

1 Rey 8:63

Y ri rey Salomón xusuj k'a sipanik ri niq'alajirisan chi junan ruwech rik'in ri Jehová: Xerukamisaj k'a e 22,000 nima'q taq awej y 120,000 kokoj taq awej. Keri' ri rey y ri winaqi' xkijech k'a ri k'ak'a' rachoch ri Jehová pa rusamaj.

1 Rey 8:18

Jak'a ri Jehová xa kere' k'a ri xubij chire ri nata': Rat kan k'o k'a pan awánima richin napaba-q'anej jun wachoch. Re ch'obonik re' kan janila wi utz.

1 Rey 5:5

Roma ri' yin wakami ninwajo' ninpaba-q'anej jun rachoch ri Jehová ri nu-Dios, roma kan keri' rubin chire ri nata' toq k'a k'es na rija'. Ri Jehová xubij chire ri nata' chi xtuya' kan jun chike ri ruk'ajol pa ruk'exel rija' chupan ri ruq'atbal-tzij. Y chuqa' xubij chi ri ruk'ajol ri', jari' ri xtipaban-q'anej ri rachoch.

2 Crón 13:11

Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.

Wuj Richin ri Nehemías 10:33

Ri kaxlan-wey ri kan richin pa rachoch ri Dios, ri sipanik richin jalajoj ruwech ixin ri yesipex ronojel q'ij, ri taq chikopi' ri yeporox jumul ronojel q'ij, ri taq chikopi' ri yesuj chupan ri q'ij richin uxlanenri'il, ri niban toq k'ak'a' ik' y ri ch'aqa' chik nimaq'ij ri niban ronojel juna', ri sipanik ri kan ek'o rejqalen, ri kamelabel ri niban richin kuyubel qamak y richin ronojel ilinik ri niban pa rachoch ri Dios.

1 Crón 22:5

Ri David xuben ronojel re' roma xuch'ob chi ri Salomón ri ruk'ajol man jani k'o retamabal richin nupaba-q'anej ri rachoch ri Jehová akuchi niya'ox-wi ruq'ij-ruk'ojlen, roma ri jay ri' k'o chi niban janila nim chire y kan xtel k'a rutzijol chuwech chijun ruwach'ulew chi kan jebel ok rubanik. Y roma ri' ri David xeruchojmirisala' k'a kan pa ruk'iyal ronojel ri nik'atzin chire ri rachoch ri Dios.

Wuj Richin Bix Chire ri Dios 86:8

Nimalej ajaw, ¡kan man jun chik k'a k'o achi'el rat chikikojol ri ch'aqa' chik dios! Ri asamaj rat kan man jun chik achoq ik'in ta xtijunamex-wi.

Wuj Richin Bix Chire ri Dios 96:4

Roma ri Jehová kan janila nim, y kan ruk'amon richin niqanimirisaj ruq'ij. Kan xaxe wi rija' ri ruk'amon chi niqaya' ruq'ij chikiwech ri ch'aqa' chik dios.

Wuj Richin Etamabel-Tzij 7:20

Rija' kan jun costal saqipueq k'a ri ruk'uan-el y k'a ja toq xtinoj na ri ik', k'a jari' toq xtok'ulun chik pa jay, nicha' k'a ri ixoq.